Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәри вилајәтләрин тәләбәләри һәзрәт Ајәтуллаһ Амилинин 19 јанварла бағлы чыхышына дәстәк олараг бәјанат јајымлајыблар.
Бәјанатынин там мәтни:
Уҹа Аллаһын ады илә
Гафгаз мәнтәгәси гәдим Иранын ән ҝөзәл јерләриндән олуб. Бу дијар һәмишә милли вә дини гејрәтин ҝөстәриҹиси олуб вә дәфәләрлә гәһрәманлыглар јарадыб, бүтүн вүҹуду илә уҹа Ирана бағлы олдуғуну ҝөстәриб. Гәдимдән Османлы һөкумәтинин тамаһ салдығы бу дијар дәфәләрлә Османлы тәрәфиндән һүҹума мәруз галыр. Османлы бу торпаглары да өз торпагларына гошмаг истәјирди. Лакин Гафгазын гејрәтли оғуллары Османлы гошунларыны һәр дәфә накам гојур вә Гафгаздан хар бир һалда узаглашдырырды.
Гафгаз тарихининин ән аҹы һадисәси Гаҹар дөвләтинин баҹарыгсызлығы нәтиҹәсиндә бөјүк Иранын беһиштә бәнзәр ујғун һиссәсинин коммунист русларын үфунәтли ҹәнҝинә кечмәсидир.
Бу дијарын әһалиси 70 ил мүгавимәт ҝөстәриб, Аллаһа иман көмәји илә өз ики әсас Ислам вә Иран кимлијини коммунизм һөкмранлығы гаршысында мүдафиә етдиләр. Халгын дүшмәнләри һәр шејдән өнҹә мүсәлман Гафгаз халгынын кимлијинин ујғун әсас ики һиссәсини һәдәфә алдылар. Онун уҹа вә дәјәрли тарихини дәјишдирдиләр. Милләти өз әдәбијјатына вә мәдәнијјәтинә бағлајан Гуран әлифбасыны дәјишдирдиләр вә бу јолла Гафгаз халгынын бүтүн сәрвәтини, милли вә дини кимлијини бирдәфәјә дәфн етмәјә чалышдылар.
Лакин бу залым гарәтчиләр мүсәлман Гафгаз халгынын дини гејрәтини танымамышдылар.
Мүсәлман Гафгаз әһалиси күл алтында галмыш көз кими јенидән аловланыб, өз һәгиги кимлијинә рәҹәт етди, гајытды. Милли гәһрәманлыг вә дини гејрәт руһу јенидән гәһрәман Гафгаза гајытды; халг 1990-ҹы ил јанварын 19-у 70 иллик әсарәт зәнҹирләрини гырыб, мүасир тарихин ән јадда галан ҝүнүнү јаздылар. Нәтиҹәдә бөјүк бир туфан гопду, бөјүк азәри халгы Ислам вә Ирана шөвг долу гәлбләр илә өз Ислам вә Иран кимликләринә, шәхсијјәтләринә гајытмаг мүнасибәти илә Иран вә Ислама севҝи билдирән шүарлар дејәрәк, Иран сәрһәдләринә үз тутдулар. Тиканлы телләр вә Аразын буз кими сојуг сују да халгын ирадәсинә мане ола билмәди.
Азәрбајҹан тарихинин мүһүм нөгтәләриндән һесаб олунан бу һадисәдән үч ил сонра сабиг Совет режиминин зирәк вә сијасәтҹил көһнә кадрларындан бири мүсәлман азәри халгынын өз һәгиги кимликләринә гајытмаг истәјини дујур вә анлајыр ки, әҝәр бу һадисәнин дини јөнләри, гәһрәманлыг руһу силинмәсә, јени мүстәгил олмуш Азәрбајҹанын тарихини дәјишмәк вә она јени сахта бир миллијјәт һазырламаг олдугҹа чәтинләшәҹәк; диҝәр бир тәрәфдән онлар үчүн бөјүк тәһлүкәләр јаранаҹаг.
Елә бу сәбәбдән билдирир ки, халгын ујғун һадисә заманы мөвҹуд руһијјәсинин сәбәби Ислам вә Иран севҝиси јох, әксинә насионалист һиссләр олуб. Елә буна ҝөрә дә бу ҝүнү Аразын ики тәрәфиндәки азәриләрин бирләшмәси ҝүнү адландырмаг лазымдыр.
О һәмчинин биләрәкдән бу бөјүк һадисәнин тарихини 19 јанвардан 31 декабра дәјишди. Өз хам хәјалларында бу иши илә халгын өз кимлијинә гајытмаг үчүн јаратдығы бу бөјүк һәгигәти јени ил бајрамларынын көлҝәсиндә гојаҹағыны ҝүман етди. Әлбәттә о даһа сонралар өз зирәнҝлијиндән истифадә едиб деди ки, бирләшмәкдән данышанлар бир јығын дәлидирләр.
Биз Шәрги вә Гәрби Азәрбајҹан, Әрдәбил вә Зәнҹан вилајәтләринин мүәллимләри, тәләбәләри Гафгаз тарихи үзрә мүтәхәссис олан Әрдәбилин имамҹүмәси Доктор Сејид Һәсән Амилинин 2014-ҹү ил јанварын 17-си ҹүмә хүтбәсиндә үрәк јанғысы илә вә там јериндә 19 јанвары дүнја мүсәлман азәриләр ҝүнү елан етмәсини мүсәлман азәриләрин дини вә тарихи шәхсијјәтләринин дирчәлмәси үчүн атылмыш дәјәрли аддым һесаб едирик. Ҹәнаб Др. Ајәтуллаһ Амилинин мүсәлман милләтләрин кимлијини һәдәфә алан вә тарих һәгигәтләрини дәјишдирмәјә чалышан ҹәрәјанлара гаршы јорулмаз мүбаризәсиндән гәдирданлыг едирик вә онун сечдији дүзҝүн вә дәгиг мөвгесини һимајә етдијимизи билдиририк; һәмчинин ујғун ҝүнүн рәһмәт вә шәфгәт Пејғәмбәринин (с) тәвәллүдү илә ејни ҝүнә тәсадүф етмәсини Уҹа Аллаһын мүсәлман Гафгаз халгына вә бүтүн мүсәлман азәриләрә хүсуси лүтфү вә диггәти һесаб едирик.
Һазыркы дөврдә дүнја азәриләри Аллаһ Рәсулунун (с), Әмирәл-мөмининин (ә) пак сүлаләсиндән вә Һәзрәт Зәһранын (с) өвладларындан олан, Азәрбајҹанын фәхри Һәзрәт Ајәтуллаһул-үзма Имам Хаменеини өз рәһбәрләри билирләр.
Биз өзләри өзләрини рәһбәр адландыран азәриләри, азәри нәслинин кимлијини јенидән вә дәгиг мүталиә етмәјә вә онун дүнәнини вә бү ҝүнүнү дүзҝүн өјрәнмәјә чағырырыг.
Биз бүтүн дүнја азәриләрини, Азәрбајҹан диаспорасындан, Азәрбајҹандакы, Русија, Түркијә, Украјна, Авропа вә Америкадакы мүһүм азәри шәхсијјәтләри дүнја мүсәлман азәриләрин уҹа шәхсијјәтини, һәгиги кимлијини дирилтмәк үчүн мөвҹуд имканлардан истифадә етмәјә вә һәр илин 19 јанварыны "Дүнја Мүсәлман Азәриләрин Бирлик Ҝүнү" кими гејд етмәјә чағырырыг.
Биз Шаһ Исмаил Сәфәвинин мәзары кәнарындан Аразын о тајындакы азәриләрә аловлу саламлар ҝөндәририк.
Ҹәнаб Һејдәр Әлијевин бир вахтлар дедији сөзү Азәрбајҹанын индики башчыларына хатырладырыг: "Азәрбајҹан әһалисинин 70 фаизи Әрдәбил әсиллидирләр." Јәни Әрдәбил Аразын о тајындакы азәриләрин һәгиги вәтәнидир. Әһли-бејтә (ә) ешг, хүсуси илә Имам Һүсејн (ә) севҝисини бу дијардан ирс ҝөтүрүбләр. Имам Һүсејнлә (ә) доғулублар, Һүсејнлә (ә) јашајыблар вә иншаллаһ "ја Һүсејн" зикри илә бү ҝүнләрини вә сабаһкы тарихләрини өз һәгигәтинә доғру јөнәлдәҹәкләр. Онлар Әһли-бејтә (ә) ешгләрини һеч кәсә, хүсуси илә насионалистләрә, иргчиләрә сатмајаҹаглар.
Диггәт: Хәбәрдән истифадә етдикдә мәнбәјә истинад лазымдыр
