Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, мәғриб вә иша намазларындан сонра Әрдәбилин Сәрчешмә Мәсҹидиндә үмуми әһалинин, Иҹра Апаратынын, Руһаниләр вә әјаләтин диҝәр дөвләт мәсулларыын иштиракы илә аным мәрасими кечирилиб. Мәрасим Гуран тилавәти илә башлајыб.
Мәрасимдә Һөҹҹәтүл-Ислам Нури чыхыш едәрәк Нардаран шәһидләрин вә Ајәтуллаһ Шејх Нимрин мәзлумҹасына шәһадәти мүнасибәтилә Имам Замана (әҹ) башсағлығы вериб.
Хәтиб билдириб: “Шиәнин ики бариз хүсусијјәти вардыр: Биринҹиси, Шиәнин мәзлумлуғу, икинҹиси, Шиәнин мәһрумлуғу. Аллаһ бир кәсә иззәт вермәк истәсә, һеч кәс онун иззәтини әлиндән алыб, зәлил едә билмәз. Һәмчинин, Аллаһ бир кәси хар вә зәлил етмәк истәсә, бүтүн дүнја бирләшсә белә, ону иззәтә чатдыра билмәз...”
Имам Әлинин (ә) дөврүндән индијә гәдәр Әһли-бејт (ә) һагг-әдаләти мүдафиә етдикләринә ҝөрә зүлмә мәруз галдыгларына ишарә едәрәк билдириб: “Имам Әли (ә) бујурур: “Аллаһ, бир кәсә иззәт вермәк истәдикдә, онун әлиндән тутур вә иззәтә чатдырыр.” Тарих боју шиәләрә гаршы чохлу зүлмләр олмушдур. Бу һәлә дә давам едир. Бунун да сәбәби шиәнин һаггы вә мәзлуму мүдафиә етмәсидир. Али-Сәуд реҝионда Америка вә сионизмин јетишдирмәсидир.
Һал-һазырда дүнјанын бүтүн јерләриндә Ираг, Јәмән, Сурија, Әфганыстан, Ниҝерија вә с. шиәләр мәскунлашдығына ҝөрә даим әһали өлдүрүлүр вә онун да јалныз бир сәбәби вардыр “Шиәләр һагг вә мәзлуму мүдафиә едир...”
Әрәбистанын дөвләтинин Гәтиф бөлҝәсиндә Шиәләри өлдүрмәси, Шиә Руһаниси Шејх Нимрин Шәһид етмәси Шиәнин һәлә дә мәзлум олмасына бир даһа сүбут олдуғуну билдирән Һөҹҹәтүл Ислам Нури дејиб: “Билмирәм нә үчүн бизимлә ејни дилли, ејни мәзһәбли гоншу өлкә Азәрбајҹан Республикасы һансы дәлиллә, һансы сәбәблә Шиәләри гәтлиам етди? Азәрбајҹан дүнјанын икинҹи Шиә өлкәси олдуғу бир һалда нә үчүн даим Шиәләри гәтлиам едир, репрессија едир? Бунлары етмәкдә онун мәгсәди нәдир?
Азәрбајҹанын һакимијјәти Имам Һүсејнин (ә) Әрбәин зијарәтчиләрини һәбс едир вә евләринә өзү силаһ гојараг, онлары силаһ сахламагда иттиһам етмәклә һансы һәдәфи изләјир?
Азәрбајҹанда тәкфирчи групларын фәалијјәтләри бир һәддә чатмышдыр ки, һәтта бу өлкәнин дөвләт рәсмиләри дә артыг онлара тәрәф сөвг олуб.
Бу өлкәдә 400-дән чох тәһлүкәсизлик гүввәләринин вәзифәдән чыхарылмасы, МТН кими бир тәшкилатын ләғв олунмасы вә онун јеринә диҝәр бир тәшкилатын јарадылмасы өлкә һакимијјәтинин зәифлијини вә онун нә едәҹәјини билмәмәсини ҝөстәрир. Дөвләт Шиәләри гәтлиам етмәклә һансы мәгсәд ардынҹадыр?
Белә һакимләрин һамысы билсин ки, бүтүн фитнәләрин сәркәрдәси олан Америка кими бир өлкәнин проспектләриндә азан верилир. Бүтүн бунлар Шиәнин һагг олдуғуну вә сонда да өз һаггына чатаҹағыны ҝөстәрир.”
Мәрасимин давамында танынмыш шаир Һаҹы Һүсејн Гәффари вә Һаҹы Әлирза Исфәндијари Нардаран, Ниҝерија шәһидләри вә Шејх Нимрин хатирәсинә мәрсијјә охудулар.
Диггәт: Хәбәрдән истифадә етдикдә мәнбәјә истинад лазымдыр
