Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Республикасы Ислам Һәрәкатынын Гум офисинин рәһбәри бу өлкә шәһидләринин 40 ҝүнү мәрасиминин Гум шәһәриндә кечириләҹәјини хәбәр вериб.
Гафгаз Мәдәнијјәт Мәркәзи – Һөҹҹәтүл-ислам Исҝәндәр Һүсејнзадә журналистләрә вердији мүсаһибәсиндә Азәрбајҹан Республикасы шәһидләринин 40 ҝүнү мәрасиминин Гум шәһәриндә кечириләҹәјинә ишарә едәрәк дејиб: “Бу мәрасим 7 јанварда мәғриб вә иша намазларындан сонра Әзәм мәсҹидиндә кечириләҹәк”.
И. Һүсејнзадә артырыб: “Вәлијји-Фәгиһин нүмајәндәси вә Әрдәбил әјаләтинин имам ҹүмәси Сејид Һәсән Амили бу мәрасимдә чыхыш едәҹәк вә Меһди Рәсули тәдбирдә мәддаһлыг едәҹәк”.
Азәрбајҹан Республикасы Ислам Һәрәкатынын Гум офисинин рәһбәри дөвләтин Азәрбајҹан шиәләринә һүҹуму һадисәсинә тохунараг хатырладыб: “Әба Әбдиллаһ Һүсејнин (ә) Әрбәини әрәфәсиндә Азәрбајҹан мүсәлманларынын бир групу һүсејнијјәдә топлашараг намаз гылдыглары һалда өлкәнин хүсуси тәјинатлы полис гүввәләри мүлки ҝејимдә вә зибил дашыјан машынларла Нардаран гәсәбәсинә ҝирмиш вә һүсејнијјәјә һүҹум етмишдир. Бу һүҹум нәтиҹәсиндә 4 нәфәр шәһид олмуш вә 14 нәфәр јараланмышдыр”.
Диггәт: Хәбәрдән истифадә етдикдә мәнбәјә истинад лазымдыр
