Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 03 Декар, 2015 тарихдә Иран Ислам Республикасынын Әрдәбил әјаләтинин мәркәзиндә, Сејид Сәдрәддин һүсејнијјәсиндә Азәрбајҹан Республикасынын Нардаран гәсәбәсиндә Имам Һүсејн (ә) әзадарларынын Шәһадәти мүнасибәти илә, аным мәрасими кечирилиб.
Әрдәбил ҹамаатынын ҝениш иштиракы илә кечирилән мәрасимдә онларла Азәрбајҹан Республикасы вәтәндашлары да иштирак едиб.
Редаксијамызын мәлуматына әсасән, мәрасим танынмыш гари Һаҹы Мәһммәдрза Мәһәммәдпурун Гурани-кәримдән бир нечә ајә тилавәт етмәси илә башланыб. Мәрасимин натиги Нардаран гәсәбәсиндәки ганлы фаҹиәни писләјәрәк бу дәһшәтли һадисәни ајәләр вә рәвајәтләр призмасындан бәјан едәрәк артырыб: “Дүнјанын икинҹи Шиә өлкәси олан Азәрбајҹан Республикасында дөвләтин бу һәрәкәти бүтүн дүнја Шиәләринин нараһатлығына сәбәб олмушдур вә намаз гылан мөминләри гәтлә јетирмәк һәр һалда пис вә мәһкумдур”.
Мәрасимин давамында Сејид Сәдрәддин түрбәсинин дини иҹмасынын үзвү ҹәнаб Шәкиба мәрасим иштиракчыларыны саламлады вә Азәрбајҹан Республикасында 5 нәфәр шиәнин шәһадәти барәдә башсағлығы вериб. О артырыб: “Әба Әбдиллаһ Һүсејнин (ә) һәрәкаты һәмишә ҹошгун вә күкрәк олмуш, онун әзадарларынын бајрағы һәзрәт Бәгијјәтуллаһил-Әзәмин (әҹ) зүһуруна гәдәр ҹошгун вә күкрәјән галаҹаг, залым һөкумәтләр гаршысынҹа башы уҹа олаҹаг”.
Һөвзә вә университет мүәллими Һөҹҹәтүл Ислам вәл Мүслимин доктор Беһзад мәрасимин давамында танынмыш тәдгигатчы алим Һөҹҹәтүл Ислам вәл Мүслимин Адил Мөвлајинин вәфаты вә Азәри гонагларын ҝениш иштиракына тохунараг бу мүнасибәтилә иштиракчылара башсағлығы вериб.
Хәтиб чыхышыны ики һиссәјә бөлүб. Биринҹи һиссәдә дост вә гоншу өлкә олан Азәрбајҹанын дөвләт башчыларына вә рәсмиләринә хитаб едиб. Икинҹи һиссәсини исә Нардаранда сон һадисәләр заманы Шәһид оланлара һәср едиб.
Биринҹи һиссәдә тәгвалыларын мөвласы Әмир әл-мөминин Әлинин (ә) бу һәдисини охујараг, изаһ едиб: “Һөкумәтләр инсанларын имтаһан мејданыдыр”. Јәни һөкумәтләр тәрәфиндән верилән һәр бир гәрар онун халгынын ҝәләҹәјиндә тәсир гојур вә ән ағыллы инсанлар о кәсләрдир ки, узагҝөрән олсунлар вә нечә ҝүнлүк фани һәјата үчүн бу дүнјада гәрар вермәсинләр.
Биз Азәрбајҹан дөвләтиндән сорушуруг; Сиз нә үчүн инсанлары мүһакимәсиз вә Аллаһын әман јериндә ҝүллә-баран, онлары шәһид етдиниз вә јараладыныз?
Һәзрәт Әли (ә) бујурур: “Һәр кәс һагла мүбаризә етсә, мәһв олаҹаг”. Азәрбајҹан дөвләти өз рәфтарыны бу өлкәнин Шиәләринә гаршы дәјишдирмәлидир. Азәрбајҹан һөкумәти Рза шаһдан, Сәддам Һүсејндән ҝүҹлү дејил вә олмајаҹаг. Белә һөкумәтләрдән ибрәт ҝөтүрмәли, онларын агибәтинә бахыб ҝөрмәлидир ки, истифадә мүддәти битән кими һимајәдарлары онларла мүмкүн олан ән пис шәкилдә рәфтар етдиләр. Сиз иззәт истәјирсинизсә, буну Имам Һүсејндән (ә) алын, сәрвәт вә гүдрәт истәјирсинизсә, буну сүгута доғру ҝедән гәрб дөвләтләриндән, тәкфирчиләрдән вә Әрәбистандан дејил, Мәсум Имамлардан (ә) истәјин.
Рәсули-әкрәм (с) бујуруб: “Еј һөкумәти әлинә аланлар, ҹамаатла мәһәббәтлә рәфтар един вә онлары һимајә един”.
Сиз әҝәр мүһарибә етмәк истәјирсинизсә, Гарабағда дөјүшүн. Али Мәгамлы Рәһбәр Гарабағы Исламын ҹанынын бир һиссәси адландырыр. Ҝедин, 25 илдир ишғал алтында галмыш вә гәрбин бош вәдәләрилә бу ҝүн-сабаһа сахланылан Гарабағы азад един.
Доктор Беһзад чыхышынын икинҹи һиссәсиндә дејиб: “Јаранышын әввәлиндән индијә кими ики јол мөвҹуд олуб вә давам етмәкдәдир: Бири һагг јолудур вә бу Имам Һүсејнин (ә) јолудур. Диҝәри исә батил јолудур. Бу да Језидин ҝетдији јолдур. Һәмишә һагг јолу батил јола галиб олаҹагдыр. Бу һадисәдә уҹа Шәһадәт мәгамына чатанлар мәзлум олублар вә биз бу шәһидләрин мәзлумијјәтини чох јахшы дәрк едирик. Чүнки биз шаһ заманы өлдүрүлмәји чох јахшы дәрк етмишик. Биз бүтүн ҹанымыз вә ганымызла онлары баша дүшүрүк, өз нөвбәмиздә бу Шәһидләрин аиләсинә башсағлығы веририк вә дејирик: онлар барәдә нараһат олмајн, чүнки онлар Әба Әбдиллаһ Һүсејнин (ә) гонагларыдыр. Бүтүн хејир-бәрәкәт имам Һүсејнин (ә) гапысында топланыбдыр.
Биз Азәрбајҹан һөкумәтиндән истәирик ки, Шиәләрлә рәфтарына јенидән бахсын вә өз халгына архалансын, ишғал едилмиш әразиләри ермәниләрин хәбис вүҹудундан тәмизләсин”.
Гејд едәк ки, кечән һәфтәнин ҹүмә ахшамы ҝүнү Азәрбајҹан Республикасынын хүсуси әмәлијјат гүввәләринин Нардаран гәсәбәсиндә әзадарлыг мәҹлисинә һүҹуму нәтиҹәсиндә Рәһимә Хатун зијарәтҝаһында 5 нәфәр намазгылан шәһид олмуш вә онларла диндар јараланмыш вә һәбс едилмишдир. Азәрбајҹанын Дахили Ишләр Назирлији һеч бир факт вә сүбут тәгдим етмәдән “Мүсәлман Бирлији Һәрәкаты”ны радикал һәрәкәтләрдә иттиһам етмиш, бу һәрәкатын хүсуси әмәлијјат групу гаршысында мүгавимәти нәтиҹәсиндә Нардаран әһалисинин ики нәфәр полис әмәкдашыны өлдүрдүјүнү иддиа етмишдир.
Диггәт: Хәбәрдән истифадә етдикдә мәнбәјә истинад лазымдыр
