Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Вәлијји-Фәгиһин Нүмајәндәси вә Әрдәбилин Ҹүмә Намазына Рәһбәрлик едәни бу һәфтәнин ҹүмә намазы хүтбәсиндә Азәрбајҹанда беш нәфәрин шәһид олмасына вә јүзләрлә елита инсанын һәбсинә сәбәб олмуш һадисәјә ҝөрә өз нараһатлығыны билдириб.
Әрдәбил әһалисинин Рәһбәрлик Експертләр Мәҹлисининдә нүмајәндәси О, сәрһәд танымајан јахшылыға дәвәт вә писликдән чәкиндирмәк, хејирхаһлыг јөнүмүндән Азәрбајҹанын дөвләт башчыларына хитаб едиб.
Имам ҹүмә һәбс едилмиш алимләрә вә ҝәнҹләрә гаршы ирәли сүрүлән иттиһамларын һамысыны әсассыз адландырыб вә бу мөвзуда әтрафлы данышыб.
Иранын бу мәсәләјә мүдахиләсини инкар едән Ајәтуллаһ дејиб: “Азәрбајҹан халгы билсин ки, Иран гәдәр Азәрбајҹанын иззәтини, истиглалыны, инкишафыны, јүксәлишини истәјән бир өлкә јохдур. Әҝәр бир заман -Аллаһ еләмәсин – Азәрбајҹан һүҹума мәруз галарса, Иранын бәсиҹиләри ону горујаҹаг. Неҹә ки, ермәниләрин һүҹуму заманы Муғанын бәсиҹиләри ермәниләрин гаршысыны алды вә онлары һазыркы нөгтәдә сахлајараг ирәлиләмәјә гојмады. Әҝәр о вахт бәсиҹиләр ермәниләрин гаршысыны алмасајды, Азәрбајҹанын 20% јох, даһа ҝениш әразиләри асанлыгла ермәни ишғалы алтына дүшәҹәкди”.
Имам ҹүмә дејиб: “Һадисәдән сонра ҝениш шәкилдә һәбсләр ҝөстәрир ки, ики полис әмәкдашы дөвләтин өз гүввәләри тәрәфиндән өлдүрүлүб ки, һәбс вә тәзјигләр үчүн јахшы бәһанә олсун, үмуми фикри ҝениш һәбсләр үчүн һазырласын. Һадисә заманы јердә галан атылмыш ҝүлләләрин бош патронлары ҝүлләләрин Азәрбајҹанын полис идарәсинин силаһларындан атылдығыны ҝөстәрир вә орада фәргли бир патрон да тапылмајыб”.
Һәзрәт Ајәтуллаһ Амили чыхышынын давамында билдириб: “Һәбс едиләнләрин вә иттиһам олунанларын һамысы динҹ сијаси фәалијјәт вә сағлам дини тәблиғлә мәшғул идиләр. Мүхалифләрлә толерантлыг вә мүдара етмәкдә биринҹи јердә дајанмасыны иддиа едән һөкумәт бүтүн фикирләрә фәалијјәт үчүн имкан вермәлидир”.
Һакимијјәтин бу зоракы рәфтарынын бу илки мәһәррәм ајында бөјүк топлантыја ҝөрә олдуғуну билдирән имам ҹүмә дејиб: “Азәрбајҹан дөвләти Имам Һүсејн (ә) һәрәкатындан јахшы истифадә етмәк әвәзинә онунла мүбаризә апарыр”.
Вәлијји-Фәгиһин Әрдәбил әјаләти үзрә нүмајәндәси хүтбәсинин сонунда билдириб ки, биз Азәрбајҹаны севирик, онун иззәт вә зилләтини, өз иззәт вә зилләтимиз билирик. Бүтүн дедикләрим, хејирхаһлыг үзүндән иди.
Диггәт: Хәбәрдән истифадә етдикдә мәнбәјә истинад лазымдыр
