Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 02 Декабр 2015 тарихдә әлијевләр сүлаләсинин дахили ишләр назири Рамил Усубов АзТВ-јә мүсаһибәсиндә вурғулајыб ки, 26 Нојабр, 2015 тарихдә баш верән Нардаран фаҹиәсинин башында сүлалә башчысы Илһам Әлијев дурур...
“Өлкә президенти, Силаһлы Гүввәләрин Али баш команданы һүгуг-мүһафизә органлары гаршысында тәләб гојду ки, бу ҹинајәткар силаһлы дәстәнин (админ: нәзәриндә "Мүсәлман Бирлији"ни тутур) зәрәрсизләшдирилмәси, онларын Азәрбајҹан ганунларына табе олмасы үчүн ҹидди тәдбирләр ҝөрүлсүн. Бу тәдбирлә ҝөрүлмәјә башланды. Илк тәдбир заманы силаһлы мүгавимәт олду, Нардаран гәсәбәсиндә дахили ишләр органлары әмәкдашларына гаршы автомат вә гумбаралар ишләдилди. Һәмин силаһлы дәстәнин зәрәрсизләшдирилмәси заманы ики әмәкдашымыз шәһид олду" (!!!) – дејә Рамил Усубов билдириб.
Сүлалә дахили ишләр назири олигархларын Нардаран бағларындакы виллаларында ҝәзәркән чаршаблы гадынлары вә Ја Һүсејн бајрагларыны ҝөрмәк истәмәдикләри үчүн Нардарана басгын етдикләринә ишарә едәрәк билдириб: “Һәтта, кәнарда јашајан вә Нардаранда торпаг саһәләри, евләри олан инсанлар орада јашаја билмирдиләр..."
Рамил Усубовун сөзләринә ҝөрә, бүтүн бу һалларын гаршысынын алынмасы үчүн нојабрын 26-да али баш командан Илһам Әлијевин башчылығы илә, Баш Прокурорлуг, Дахили Ишләр Назирлији вә Милли Тәһлүкәсизлик Назирлијинин әмәкдашлары Нардаранда хүсуси әмәлијјат кечирибләр.
Гејд едәк ки, әмәлијјат заманы 32 нәфәр һаггында һәбс гәтимкан тәдбири сечилиб, 5 нәфәр һадисә заманы сүлалә тәрәфиндән амансызҹасына Шәһид едилиб. Һадисәнин даһа критик вә ејни заманда тәбии алынмасы үчүн исә, Илһам Әлијевин әмри илә, ики полис әмәкдашы да архадан ҝүлләләниб.
Диггәт: Хәбәрдән истифадә етдикдә мәнбәјә истинад лазымдыр
