Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, режимин гондарма әмәлијјатындан сонра вәһшиҹәсинә һәбс едилән Тале Бағырзадәнин бу ҝүн Бакы шәһәриндә Бакы Апеллјасија Мәһкәмәсиндә барәсиндә сечилмиш һәбс гәтимкан тәдбири гәрары илә бағлы верилмиш шикајәтә бахылыб.
Мәһкәмә саат 15:00-а тәјин олунса да, Тале Бағырзадә һалынын ҹох пис вәзијјәтдә олдуғу үчүн мәһкәмә залына ҝәтирилмәјиб.
Мәһкәмә просеси бир нечә дәгигә чәкиб. Мәһкәмә залына һеч ким бурахылмајыб.
Бир нечә дәгигәлик мәһкәмә проссесиндә онун барәсиндә 4 ај һәбс гәтимкан тәдбири сечиб.
Гејд едәк ки, Тале Бағырзадә әлијевләр сүлаләсинин Баш Прокурорлуг тәрәфиндән Ҹинајәт Мәҹәлләсинин 120-ҹи (Гәсдән адам өлдүрмә), 214-ҹү (Террорчулуг), 220-ҹи (Күтләви иғтишаш), 228-ҹи (Ганунсуз олараг одлу силаһ, онун комлпект һиссәләрини, дөјүш сурсаты, партајыҹы маддәләр, гурғулар әлдә етмә, башгасына вермә, сатма, сахлама, дашыма вә ҝәздирмә), 233-ҹү (Иҹтимаи гајданын позулмасына сәбәб олан һәрәкәтләри тәшкил етмә), 278-ҹи (Һакимијјәти зорла әлә кечирмә), 279-ҹу (Ганунвериҹиликдә нәзәрдә тутулмајан силаһлы бирләшмәләр вә ја груплар јаратма), 281-ҹи (Дөвләт әлејһинә јөнәлән ачыг чағырышлар), 283-ҹү (Милли, ирги, сосиал вә ја дини нифрәт вә дүшмәнчилијин салынмасы), 315-ҹи (Һакимијјәт нүмајәндәсинә гаршы мүгавимәт ҝөстәрмә вә ја зор тәтбиг етмә) вә диҝәр маддәләри илә ШӘРЛӘНИЛИР.
Тале Бағырзадә башда олмагла 24 нәфәр барәдә мәһкәмәләр тәрәфиндән һәбс гәтимкан тәдбири сечилиб.
Диггәт: Хәбәрдән истифадә етдикдә мәнбәјә истинад лазымдыр
