Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Суријада леҝитим һакимијјәтә гаршы дөјүшән террор дәстәләриндән биринин башчысы јаралы һалда Истанбул хәстәханаларындан биринә јерләшдирилиб.
Бу барәдә Түркијәнин танынмыш журналисләриндән Мустафа Сејфуллаһ Кылыч мәлумат јајыб.
М.Кылыч бир мүһүм хәбәри тәсдигләндикдән сонра јајдығыны билдирәрәк јазыр: “Тәсдигләнәрсә, мүһүм бир мәлумат верәҹәјими сөјләмишдим. Бу өнәмли хәбәрләрдән биринҹиси будур ки, МИТ (Милли Кәшфијјат Идарәси, - ред.) тәрәфиндән дәстәкәләнән Ҹунд Әш-Шам террор тәшкилатынын башчысы Әбу Муслим Шишани јаралы вәзијјәтдә өнҹә Аданаја, орадан исә Истанбул “Фатиһ Медиҹал Парк Һастанеси”нә ҝәтирилиб”.
Журналист террор башчысынын етник кимлијини дә ачыглајараг онун чечен олдуғуну билдириб.
М.Кылычын диҝәр мүһүн ачыгламасы исә Түркијәдән Суријаја кечирилмәсинә ҹәһд едилән ТЫР-ын әлә кечмәсилә бағлы олуб. Онун сөзләринә ҝөрә, Түркијә-Сурија сәрһәддиндәки Һатај рајонунда шүбһәли бир ТЫР сахланылыб. Жандарма тәрәфиндән ахтарыш апарыларкән јүк машынында силаһ-сурсат ашкарланыб, лакин олај јерли КИВ-ләрдән ҝизләдилиб. “ТЫР-да бир МИТ әмәкдашы да варды вә машында ТОW ракетләри дашынырды. МИТ дәрһал просесә мүдахилә едәрәк һадисәни өрт-басдыр етди вә машынлар үчүн тутулан актлары мүсадирә едиб.
Бу һадисә өтән ҝеҹә ҝерчәкләшди”, - дејә М.Кылыч “Өнәмли” башлыглы нөвбәти мәлуматында ачыглајыб.
Диггәт: Хәбәрдән истифадә етдикдә мәнбәјә истинад лазымдыр
