Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гафгаз Шиәләри, әсасән дә бу мәнтәгәнин Шиә руһаниләри вә фәаллары сон ики әсрдә, хүсусән дә коммунистләрин һакимијјәти дөнәминдә мәнтәгәнин һакимләри тәрәфиндән һәмишә тәһдидләрлә вә гејри-инсани рәфтарларла үзләшибләр. Советләр Бирлијинин парчаланмасындан вә дүнјанын икинҹи шиә өлкәси сајылан Азәрбајҹанын мүстәгиллијиндән сонра бу рәфтарлар јени методларла давам етди. Онун сон нүмунәләриндән бири дә Јасамал рајон полис идарәсинин рәисинин танынмыш руһани вә Мүсәлман Бирлији Һәрәкатынын сәдри Һаҹы Тале Бағырова намаз гылмаг истәдији һалда физики зоракылыг ҝөстәрмәсидир. Полис рәисинин руһанијә гаршы бу һәрәкәти Азәрбајҹанда дини кәсимин ҝениш етиразына сәбәб олду. Бунун ардынҹа онларла диндар сөзү ҝедән һәрәкәтә етиразларыны билдирмәк үчүн Сураханы рајон полис идарәсинин гаршысында топлашдылар. Лакин полис гүввәләри онлара да һүҹум едәрәк, аксијаны дағытды вә бир чохларыны һәбс етди. О ҹүмләдән Мүсәлман Һәрәкаты Бирлијинин сәдр мүавини Елчин Гасымов барәсиндә нечә ајлыг һәбс һөкмү чыхарылды.
Бу һадисәләрлә ејни заманда өлкәдә сечкиләрин халг тәрәфиндән о гәдәр дә гаршыланмамасы, өлкәнин сијаси вә тәһлүкәсизлик апаратларында ҝедән һәбсләрдән үмуми фикри јајындырмаға мәмур олан бир сыра медиалар шиә дини групларынын хәбәрләрини шиширтмәјә вә тәһриф етмәјә ҹәһд едәрәк, онларын һәрәкәтләрини Иран Ислам Республикасына вә тәглид мәрҹәләринә бағламаға чалышдылар.
Бу медиалар (бир нечә интернет сајты вә Хәзәр, АТВ, АНС, Лидер, Спејс телевизија каналы) сон ҝүнләр әрзиндә гејри-пешәкар вә әсассыз силсилә һәрәкәтләриндә вә бир нечә програм, о ҹүмләдән клип, дөвләт рәсмиләри, депутат вә Дини Гурумларла Иш үзрә Дөвләт Комитәсинин мәсул ишчиләри илә мүсаһибә чәрчивәсиндә өлкәдәки Шиә групларынын Иран Ислам Республикасына бағламаға вә Ајәтуллаһ әл-үзма Нури Һәмәданинин Азәрбајҹана сәфәри заманы Шиәләрин ону сәмими вә ҝениш гаршыламасыны өз иддиаларынын тәсдиг кими ҝөстәрмәјә ҹәһд етдиләр.
Азәрбајҹанын рәсмиләри вә медиалары өлкәдәки шиә руһаниләринин вә дини групларынын фәалијјәтләрини Иранла бағлајырлар. Һалбуки, бу груплар дәфәләрлә өзләринин һансыса өлкәјә бағлы олмамаларына тәкид едибләр вә ејни заманда өлкәдә милли вә дини дәјәрләрин зәрурилијини вурғулајыблар. Инди белә бир суал ортаја чыхыр ки, нә үчүн бу медиалар Азәрбајҹанын Тәһлүкәсизлик Назирлијинин өлкәдәки вәһаби групларла һәртәрәфли вә хүсуси әлагәләриндән, онларын бу назирлијин әмәкдашларына јардымларындан тәһлүкә һисс етмирди? Нә үчүн бу медиа вә рәсмиләр азәрибајҹанлы ҝәнҹләрин ИШИД террорчу групларына гошулмаларыны вә өлдүрүлмәләрини тәнгид етмирди?
Бу арада диггәт едилмәси мәсәлә будур ки, һазыркы дурумда Азәрбајҹан президентинин гәрб вә Американын тәзјигләри, Украјна һадисәләринин нәтиҹәси олараг, һабелә, вәһаби групларынын фәалијјәтиндән тәһлүкә һисс етмәси вә с. кими мүхтәлиф сәбәбләрдән Иранла мүнасибәтләри ҝүҹләндирмәк сијасәти тутмшдур. Она ҝөрә дә кимләринсә габагкы сәһв иддиаларыны тәкрар етмәси вә шиә фәалларыны әсассыз олараг Иранла бағламаг истәмәси, јухарыда дејилән хариҹи сијасәтлә зиддир вә Елдар Маһмудовун мүхтәлиф сәбәбләр, о ҹүмлдән вәһаби груплары илә әлагәсинә ҝөрә һәбсиндән сонра онун бу назирликдә олан тәрәфдарларынын Шиәләрин фәалијјәтини габартмаг вә онларын һәрәкәтләрини Ирана бағламагла вәһабиләр үчүн тәһлүкәсиз мејдан јаратмаға, Азәрбајҹан дөвләтинин Иранла ҝенишләнмәкдә олан мүнасибәтләринә мане јаратмаға ҹәһд етмәләри мүмкүндүр.
Буну нәзәрә алараг Азәрбајҹан дөвләтинин гејд олунан мөвзуја мүдахилә едәрәк мүмкүн манеәләри зәрәрсизләшдирмәси лазымдыр.
Диггәт: Хәбәрдән истифадә етдикдә мәнбәјә истинад лазымдыр
