Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, реалистик дәјәрләндирмәләрә ҝөрә, гондарма “ИШИД” адлы террор тәшкилатынын јараглыларынын сајы 40-50 мин нәфәрдир.
Бу барәдә “Комсомолскаја правда”-ја мүсаһибәсиндә Русија Баш гәрарҝаһынын баш әмәлијјат идарәсинин рәиси Андреј Картапалов билдириб.
“Мүхтәлиф гијмәтләндирмәләрә ҝөрә, [јараглыларын сајы] 30-80 мин арасыдыр. Орталама бир рәгәм дејәк, 40-50 мин арасы”, - Картапалов билдириб.
О, гејд едиб ки, бу груплашмалар тактики мәнада әла һазырланыблар вә онлары гијмәтләндирмәмәк олмаз.
“Онларын автоматлы, узун хәнҹәрли вә баш кәсмәкдән башга һеч нә бәјәнмәјән ади гулдур олдуғуну тәсәввүр етмәк лазым дејил. Онлар дөјүшмәји баҹарырлар, мүхтәлиф үсуллары тәкмилләшдирибләр, Ираг ордусуна гаршы, Сурија ордусуна гаршы дөјүшләрдә тәҹрүбә топлајыблар. Вә бәзән бу үсуллары чох уғурла тәтбиг едирләр”, - Картапалов бәјан едиб.
Русија сентјабрын 30-дан исламчылара гаршы мүбаризәдә һөкумәти дәстәкләјәрәк Суријада һава әмәлијјатлары һәјата кечирир. Авиа-групун тәркибинә 50-дән чох тәјјарә вә һеликоптер, о ҹүмләдән Су-24М, Су-30М, Су30-CМ, Су-25 вә Су-34 дахилдир.
Диггәт: Хәбәрдән истифадә етдикдә мәнбәјә истинад лазымдыр
