Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Әзиз Ислам Пејғәмбәри һәзрәти Муһәммәд ибн Әбдуллаһын (Аллаһын сәлам вә рәһмәти она вә аиләсинин үзәринә олсун) ән јахын вә бөјүк сәһабәләриндән бири сајылан ејни заманда Ханым Фатимәнин вә һәзрәти Әли ибни Әбу Талибин (Аллаһын сәламы онларын үзәринә олсун) јахын сирдашы вә сәһабәси Сәлман Фарсинин (ризвануллаһи тәала әлејһ) мәгбәрәси Ирагда јерләшир.
Мәгбәрә Бағдаддан 30 км аралыгда ҹәнуб шәрг мәнтәгәсиндә јерләшән Мәдаин шәһәриндәдир.
СӘЛМАН ФАРСИ КИМДИР?
Сәлман Фарси һәгигәт сорағында, јәгинлик мәгамы арзусунда олан бир иранлы иди. Бу инсан өз һагтәләб һәјатынын мүхтәлиф ениш-јохушларындан вә маҹәра долу сәфәрләриндән сонра, нәһајәт, һәгигәтә наил олур, Аллаһы таныја билир. Доғру јол вә илаһи мәктәб уғрунда ҝөстәрдији сәјләри нәтиҹәсиндә һәзрәт Рәсуләллаһ она Сәлман Муһәммәди ләгәбини верир вә “Сәлману Минна Әһләл Бејт”- Сәлман Биз Әһли Бејтдәндир дејә бујурур.
Сәлман Фарси Ислам һәрәкатынын чичәкләндији бир дөврдә бөјүк хидмәтләр ҝөстәрәрәк Пејғәмбәрин (с) ән јахын адамларындан олду вә һәзрәтин (ә) вәфатындан сонра да бу јолда мәтинликлә дајана билди.
Фәзиләт вә камал чешмәси олан Сәлман һиҹри 35-ҹи илдә узун бир өмүр јашадыгдан сонра Аллаһын бәјәндији бир агибәтлә дүнјаја вида деди. (Бәзи мәнбәләр Сәлманын 250, бәзи мәнбәләр исә 350 ил јашадығыны билдирирләр.)
Диггәт: Хәбәрдән истифадә етдикдә мәнбәјә истинад лазымдыр
