Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сентјабрын 24-дә Гафгаз Мүсәлманлары Идарәсинин сәдри Аллаһшүкүр Пашазадә “Виҹдана чағырыш” Бејнәлхалг Фондунун 50 иллик јубилејинә һәср олунмуш мәрасимдә иштирак етмәк үчүн АБШ-ын Нју-Јорк шәһәриндә рәсми сәфәрдә олуб.
ГМИ-дән верилән мәлумата ҝөрә, фондун хәттилә һәр ил дүнја чапында бөјүк хидмәт саһиби олан нүфузлу шәхсијјәтләрә Илин мүкафатынын тәгдим олунмасы мүнасибәтилә тәшкил олунан тәнтәнәли мәрасимә А. Пашазадә дәвәтли олур.
ГМИ сәдри мәрасимә дәвәт олунмуш бир сыра танынмыш дөвләт вә дин хадимләри, о ҹүмләдән, БМТ Баш катибинин мүавини Јан Елиассон, ЈУНЕСКО-нун Баш директору Ирина Бокова, БМТ Сивилизасијалар Алјансынын јуксәк нүмајәндәси Насер Әл-Нассир, АБШ јунан православ килсәсинин рәһбәри архијепископ Деметриосла, Финландија, Исвеч вә б. өлкәләрин рәсмиләри илә ҝөрүшләр кечириб.
Икитәрәфли ҝөрүшләр чәрчивәсиндә А. Пашазадә, һәмчинин, Америка ермәни килсәсинин башчысы Архијепископ Х.Барсамјанла ҝөрүшүб.
Ҝөрүш заманы Гарабағ мүнагишәсинин тезликлә сүлһ јолу илә әдаләтли һәллинин тапылмасы јөнүндә дини лидерләрин сәјләринин әһәмијјәти вә ҝөрүшләрин давам етдирилмәси зәрурәти вурғуланыб.
Нју-Јоркда кечирилән ҝөрүшләрдә Шејхүлислам Аллаһшүкүр Пашазадәни Азәрбајҹанын АБШ-дакл Фөвгәладә вә Сәлһијјәтли сәфији Елин Сүлејманов мүшајиәт едиб.
Диггәт: Хәбәрдән истифадә етдикдә мәнбәјә истинад лазымдыр
