Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Алманиjанын Баден Вуртемберг әjаләтинин игтисадиjjат назири енержи секторунда һәмкарлыг вә инвестисиjа мәсәләләринин арашдырылмасы үчүн Иранын енерҝетика назиринин ҝөрүшүнә ҝедиб.
Базар ҝүнү сәһәр Теһрана ҝәлмиш Алманиjанын Баден Вуртемберг әjаләтинин игтисадиjjат назири Нилз Шмидт Иранын нефт назири илә ҝөрүшдән сонра енерҝетика назири Һәмид Читчиjан илә ҝөрүшүб.
Мүхтәлиф ширкәтләрин нүмаjәндәләриндән тәшкил олунмуш 68 нәфәрлик алман һеjәт Алманиjанын Баден Вуртемберг әjаләтинин игтисадиjjат назирини Иран сәфәриндә мүшаjиәт едир. Онларын арасында емал олуна билинән енержиләр саһәсиндә фәалиjjәт ҝөстәрән ширкәтләрин нүмаjәндәләри дә иштирак едирләр
Читчиjан Иран Ислам Республикасы илә Алманиjа Федератив Республикасынын уғурлу вә узун игтисади вә тиҹари кечмишә малик олдугларыны билдирәрәк, үмидварлыг едиб ки, jени шәраит вә санксиjалардан сонракы шәраит нәтиҹәсиндә ики өлкәнин мүәссисәләри арасында jахшы һәмкарлыгларын шаһиди олмаг олаҹаг.
Иранын енерҝетика назири алманларын емал олуна билинән енержиләр саһәсиндәки кечмишинә ишарә едәрәк, деjиб: Бу ҝөрүшдә гәрара алынды ки, бу саһәдә фәалиjjәт ҝөстәрән әлагәдар алман ширкәтләр Иран Мүасир Енержиләр Тәшкилаты(САНА) илә әлагәләрини гурсунлар вә бу барәдә мүзакирәләр кечирилсин.
Алманиjанын Баден Вуртемберг әjаләтинин игтисадиjjат назири Нилз Шмидт дә Иран илә игтисади әмәкдашлыглардан севинҹ һисси ифадә едәрәк, билдириб ки, бу һәмкарлыглар емал олуна билинән енержиләр, шәһәрсалма вә шәһәрдахили лаjиһәләр саһәләриндә давам едәҹәк.
О, модерн тәҹһизатлар, еләҹә дә мүтәхәссис вә jарарлы шәхсләрдән истифадәни игтисади лаjиләрдә уғур амилләри адландырараг, сөjләjиб: Алманиjа Иран Ислам Республикасы илә өз игтисади һәмкарлыглар һәҹмини артырмаға һазырдыр.
Иран илә Алтылығын 14 иjул разылашмасындан сонра Алманиjа канслеринин әвәзи Зигмар Габриелин сәдрлиjи илә Ирана ҝәлмиш илк сиjаси-игтисади һеjәтин тәмсилҹи кими Алманиjа санксиjаларын рәсмән ҝөтүрүлмәсиндән сонра Иранла әмәкдашлыглары даһа да ҝенишләндирмәк фикриндәдир.
Линде, Зименс, Мерседес Даjмлер, Басеф, Фулекс Вагон, ҸЫЗ вә онларла алман ширкәт һәмин сәфәрдә Алманиjа канслери әвәзини мүшаjиәт едирди. Һәмин сәфәрдән вә Бижән Зәнҝәнә вә Зигмар Габриелин ҝөрүшүндән сонра гәрара алынды ки, ҹари илин паjызында ики өлкә арасында бирҝә комиссиjанын иҹласы кечирилсин.
Алманиjа алтгурум, тәҹһизатлар, нефт-кимjа, нефтаjырма вә турбин истеһсалы саһәләриндә Иранын биринҹи шәрикидир.
Диггәт: Хәбәрдән истифадә етдикдә мәнбәjә истинад лазымдыр
