Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Малики данышды: “Мосулу мән jох, Анкара сатыб”
Мосулун ИШИД тәрәфиндән ишғалы Анкара вә Әрбилин планы иди.
Буну Ирагын кечмиш баш назири Нури әл-Малики Теһранда тәшкил етдиjи мәтбуат конфрансында сөjләjиб. Онун сөзләринә ҝөрә, ИШИД-ин ән бөjүк дәстәкчиси мәһз Түркиjә вә Сәудиjjә Әрәбистаныдыр:
“Бу ики өлкә олмасаjды, ИШИД дә мөвҹуд олмаjаҹагды. Авропа гапыларыны Түркиjәнин үзүнә бағладыгдан сонра Анкара Османлы империjасыны бәрпа етмәк адыjла Ираг вә Суриjаjа доғру jөнәлмәjә башлады. Мосул әслиндә чох ҝүҹлү горунурду. Орада 43 мин полис вар иди. Мосулда оланлар саваш деjилди вә чох ҝүман ки, Анкара илә Әрбил тәрәфиндән планлашдырылмышды. Ирагдакы шиә милисләри Түркиjәнин бизим өлкәjә мүдахиләсини әнҝәлләjибләр. Онлар олмасаjды, Ираг мүтләг дағылаҹагды”.
Геjд едәк ки, бундан өнҹә Ираг парламенти һазырладығы һесабатда Мосулун ишғалында әсас ҝүнаһкарын кечмиш баш назир Нури әл-Малики олдуғуну билдирмишди.
Диггәт: Хәбәрдән истифадә етдикдә мәнбәjә истинад лазымдыр
