Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, НАТО АБШ вә Алманиjанын Түркиjәдәки “Патриот” ракетдән мүдафиә системләринин ҝери чәкмәси барәдә гәрар гәбул етмәси илә бағлы ачыглама jаjыб.
ачыгламада НАТО-нун АБШ вә Алманиjанын Түркиjәдәки “Патриот” ракетдән мүдафиә системләринин ҝери чәкмәси барәдә гәрар гәбул етмәсинә һөрмәтлә jанашдығы геjд олунур.
Һәмчинин бәjанатда о да деjилир ки, һазырда Суриjадан Түркиjәjә гаршы һава һүҹум тәһлүкәси галмагда давам едир: “Һазырда Түркиjә һава мәканына Суриjадан һәрби һүҹум риски вар. Индиjәдәк Алманиjа вә АБШ Түркиjәдә “Патриот” ракетдән мүдафиә системләринин модернләшдирилмәси ишинә jахындан дәстәк вериб. Бундан әлавә, һазырда Түркиjә илә НАТО арасында ҝүҹлү мүттәфиглик әлагәләри давам едир. Она ҝөрә дә һазырда НАТО өзүнүн ҹәнуб шәргинин вә үзвү олан дөвләтин һәрби һава һүҹумларындан мүдафиә олунмасы үчүн әлиндән ҝәләни әсирҝәмир”.
Бәjанатда һәмчинин деjилир ки, 2014-ҹү илдә Суриjа режими тәрәфиндән Түркиjәjә jүзләрлә баллистик мәрми атылыб: “Бунларын бөjүк әксәриjjәтинин гаршысы алыныб вә һәмин ракет мәрмиләри Суриjанын дахили сәрһәдләринә дүшүб. Анҹаг чох тәәссүф ки, бәзи мәрмиләр Түркиjә дә дахил олмагла гоншу өлкәләрә дә дүшүб. Индики мәгамда Суриjа ракетләринин Түркиjә үчүн һәр нә гәдәр ашағы рискли тәһдид jаратдығы дүшүнүлсә дә, Бәшәр Әсәд гүввәләринин Суриjада мүхалиф ҝүҹләрә атдығы мәрмиләрин Түркиjәjә дүшмә еһтималы бөjүкдүр. НАТО бүтүн бунлары нәзәрә алараг, өз мүттәфиги олан Түркиjәнин һава мәканыны горумагда давам едәҹәк”.
Диггәт: Хәбәрдән истифадә етдикдә мәнбәjә истинад лазымдыр
