Әһли Бејт (әлејһимус сәлам) -АБНА- Хәбәр Аҝентлији- Гара ҹијәр хәстәликләри чох тәһлүкәли һесаб олунур. Чүнки, онлар узун мүддәт әрзиндә давам етдикдә, гара ҹијәр сиррозу јарана биләр.
Бу хәстәлијин әсас нәтиҹәси исә, гара ҹијәр һүҹејрәләринин тәдриҹән мәһв олмасыдыр (өлмәсидир). Бу заман гара ҹијәр тәдриҹән тәләф олдуғү үчүн, онунла бирҝә инсан да һәлак олур.
Гара ҹијәр хәстәликләри адәтән, узун мүддәт әрзиндә өзләрини бүрузә вермирләр. Мәлум олдуғу кими, бу вә ја диҝәр органда насазлыг олмасынын әсас әламәти ағры һесаб олунур. Бир чох һалларда мәһз ағрынын олмасы, адәтән бизи өз сағламлығымыз барәдә дүшүнәрәк, һәкимә мүраҹиәт етмәјә мәҹбур едир. Анҹаг әфсуслар олсун ки, гара ҹијәрдә ағры ресепторлары јохдур. Буна ҝөрә дә гара ҹијәрдә һәр һансы бир патоложи просес баш версә да, сиз һеч бир ағры һисс етмәјәҹәксиниз. Ағры јалныз, гара ҹијәрин бөјүмәси нәтиҹәсиндә, онун капсуласынын (хариҹи гишасы) дартылмасы заманы мејдана чыха биләр. Гара ҹијәрдән фәргли олараг онун хариҹи гишасында синир һүҹејрәләри мөвҹуддур. Буна ҝөрә сағ габырғаалты наһијјәдә ағрыларын олмасы, гара ҹијәрин һәр һансыса патоложи просесә мәруз галмасынын әламәтидир.
Бундан савајы, ашағыдакы әламәтләр дә гара ҹијәрдә патоложи просесин олмасыны ҝөстәрә биләрләр:
- Әксәр һалларда кәскин һепатит (вируслу вә ја токсик) вә гара ҹијәр сиррозу заманы дәринин, склеранын (ҝөзүн ағлы гишасы), дилин саралмасы гејд едилир. Бәс, бу ҹүр саралманын сәбәби нәдир? Мәсәлә бундадыр ки, гара ҹијәрин нормал фәалијјәти позулдуғу һалда, ганда, зүлалларын парчаланма мәһсулу олан билирубинин мигдары артмаға башлајыр ки, бу да дәринин, склеранын вә селикли гишаларын саралмасына сәбәб олур.
- Ојнагларда вә әзәләләрдә ағрылар, дәридә гашынма, ҝөјнәмә, сәпҝиләрин олмасы, әл вә ајаг бармагларында дырнагларын формасынын дәјишмәси вә рәнҝинин түнтләшмәси кими әламәтләрин олмасы, гара ҹијәрин пис ишләмәси нәтиҹәсиндә организмдә баш верән интоксикасијанын (зәһәрләнмәнин) олмасыны ҝөстәрир;
- Гара ҹијәрин бир чох хәстәликләри үчүн иштаһасызлыг, гыҹгырма, үрәкбуланма, бәзән гусма, гарынын көпмәси, јағлы гидаларын гәбулуна дөзүмсүзлүк әламәтләри дә характерик һесаб олунур.
- Гара ҹијәр, гандан токсинләрин вә вә зәһәрләрин хариҹ етмәси кими вәзифәсини нормал шәкилдә иҹра едә билмәдикдә, бу маддәләрин бир һиссәси ганда галараг бејинә дә чатыр. Мәһз буна ҝөрә, гара ҹијәр хәстәлијинин тез-тез тәсадүф едилән әсас әламәтләриндән бири дә, синир-психи позғунлуглар һесаб олунур. Хәстәдә баш ағрысы, башда ағырлыг, башҝиҹәлләнмә, емосијаларда дөзүмсүзлүк, һәддиндән артыг олан инҹиклик, һәр шејдән шүбһәләнмәк, әсассыз олан гәзәбләнмә кими әламәтләр мејдана чыхыр. Буна ҝөрә сиздә бу әламәтләр баш версә, садәҹә олараг сакитләшдириҹи дәрманлар гәбул етмәкдәнсә, гара ҹијәри јохламг даһа јахшы олар.
Әлбәтдә ки, садаланан әламәтләр диҝәр хәстәликләрә дә хас ола биләрләр. Иҹтәнилән һалда тез бир заманда гастроентеролога мүраҹиәт едәрәк өз шүбһәләриниз барәдә она мәлумат вермәк лазымдыр.
Диггәт: Хәбәрдән истифадә етдикдә мәнбәјә истинад лазымдыр
