Әһли Бејт (әлејһимус сәлам) -АБНА- Хәбәр Аҝентлији- Гурани-Кәрим дүнјаны базар кими таныдыр. Бу базарда инсанлар сатыҹыдырлар. Бурада инсанын өмрү бојунҹа олан әгидәләри вә әмәллләри сатылар. Бу базарда сатыш мәҹбуридир. Анҹаг мүштәрини сечмәк инсанын ихтијарындадыр. Јәни, бизим ихтијарымызда олан гүдрәти, әмәл вә әгидәни бураха билмәрик. Анҹаг онун фајдалы вә ја зәрәрли олмасыны өзүмүз сечә биләрик.
Гуранда бәзи инсанларын ады чәкилир ки, Аллаһла ҹанлары илә тиҹарәт едәрләр вә беһиштә чатарлар. Бәзиләри исә мәзәммәт олунмушдулар вә һеч бир мәнәфәәт әлдә етмәмишдиләр. “Онлар азғынлығы һидајәт баһасына сатын алмыш кәсләрдир. Буна ҝөрә дә нә тиҹарәтләри бир хејир верди, нә дә (һагг) јолу тапанлардан олдулар”. (“Бәгәрә” 16).
“Мәбада күфр јолунда тәләсәнләр сәни кәдәрләндирсинләр. Онлар Аллаһа әсла һеч бир зијан вурмурлар. Аллаһ истәјир ки, (итаәтсизликләринә ҝөрә) ахирәтдә онлара бир пај гојмасын. Онлар үчүн бөјүк бир әзаб вардыр. Һәгигәтән күфрү иманы вермәк баһасына (сатын) алан кәсләр, Аллаһа әсла бир зијан вурмурлар вә онлар үчүн ағрылы бир әзаб вардыр”. (“Али-Имран” 176-177).
Үһүд дөјүшүндә иштирак едәнләр бир-бириндән сорушурлар ки, инди ки, кафир гәләбә чалды вә биз мәғлуб олдуг, нә олаҹагдыр? Бу ајә һәмин шәхсләрә ҹаваб верәрәк бујурур ки, бу, Илаһи мөһләтдир ки, күфр гәдәһләри долсун вә ахирәтдә ниҹатлары олмасын.
Бу ајәләрдән белә нәтиҹә чыхартмаг олар ки, кафирләрин Исламы мәһв етмәк үчүн сәјләри һәмишә тәсирсиз галмышдыр. Инсанларын етдији күфр Аллаһа бир зәррә гәдәр зијан вурмаз. Күфр мејданында һазыр олмаг, инсаны Илаһи рәһмәтдән вә төвбәдән мәһрум едәр. Кафирләрә мөһләт вермәк - Илаһи сүннәтдәндир, гәтијјән Аллаһын ҝүҹсүзлүјүндән дејилдир.
Аллаһ Тәала Үһүд дөјүшүндән сонра Һәзрәт Пејғәмбәрә (с) үрәк-дирәк вермәк үчүн бујурур: “Мәбада күфр јолунда тәләсәнләр сәни кәдәрләндирсинләр”. Пејғәмбәрә (с) бујурур ки, кафирләрин гәләбә чалдығыны ҝөрмәк сәни гәмҝин етмәсин. Онлар һеч бир заман Мәнә зијан вура билмәзләр. Әксинә, өзләри бу јолда зијан ҝөрәрләр. Аллаһ - һәр кәсдән еһтијаҹсыз, әзәли вә әбәдидир. Инсанларын күфрү, иманы, сәј вә фитнәси Аллаһа тәсир етмәз. Онлар ки, иман јолундадырлар - тәкамүл едәрләр. Онлар ки, күфр јолундадырлар - сүгут едәрләр. Һәр кәс өз әмәлинин нәтиҹәсини ахирәтдә ҝөрәҹәкдир.
Әҝәр инсанлар күфр едирсә, бу, о демәк дејилдир ки, Аллаһ онларын гаршысыны ала билмир. Әслиндә Аллаһ онлара әмәл азадлығы вермишдир ки, һәр нә истәјирләрсә ҝөрсүнләр вә нәтиҹәдә дә ахирәт немәтләриндән мәһрум оларлар.
Ислам дининин илк ҝүнләриндән индијә гәдәр ону мәһв етмәјәнләрин сајы аз олмамышдыр. Лакин бу сәјләр һәмишә тәсирсиз галмышдыр. Чүнки бу камил динин архасында Аллаһ кими бөјүк гүдрәт дурур вә ону һеч кәс мәғлуб едә билмәз.
Диггәт: Хәбәрдән истифадә етдикдә мәнбәјә истинад лазымдыр
