Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Беjнәлхалг Амнистиjа тәшкилаты Шеjх Әли Салманын мүһакимә олунмасы просесини ҹидди шәкилдә изләдиjини билдирәрәк онун дәрһал азад едилмәсини истәjиб.
Беjнәлхалг Амнистиjа Тәшкилатынын Јахын Шәрг вә Африка мәсәләләри үзрә директорунун мүавини Сәид Бумдуһә билдириб: Биз илләрлә өнҹәдән Бәһреjнин әл-Вифаг Ҹәмиjjәтинин баш катиби Шеjх Әли Салманын ачыгламаларыны ҹидди шәкилдә изләмишик. Шеjх Әли Салман һеч вахт кобудлугдан истифадәjә дәвәт етмәмиш, һәтта ишарә белә етмәмишдир. О мөвгеjи вә әгидәсинә ҝөрә һәбс олунмушдур. Биз һәмишә онун дәрһал азадлығыны истәмишик вә истәjәҹәjик.
Бумдуһә билдириб: Биз Шеjх Әли Салманын мүһакимә просесини һәмишә изләjир вә онун һәбс олундуғу замандан азад олунмасыны истәмишик. Чүнки она гаршы ирәли сүрүлән иттиһамлар барәдә һеч бир факт jохдур. Шеjх Әли Салман узун мүддәтдир Али-Хәлифә режиминин һәбсиндәдир вә дәфәләрлә сахта иттиһамларла мүһакимә олунмушдур. Онун һәбси иҹтимаи вә беjнәлхалг етиразлара сәбәб олмушдур
Диггәт: Хәбәрдән истифадә етдикдә мәнбәjә истинад лазымдыр
