Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, артыг бир нечә ҝүндүр ки, 5 сајлы ЧЧМ-дә Ҝүнаһсыз Јерә ҹәза чәкән Һиҹаб Мәһбусу Елимхан Һүсејнов дахил олмагла бир нечә Исламчы мәһбус карсерә салыныб.
Сөзүҝедән Исламчыларын мај ајынын 12 дән етибарән тәзјигләрә мәруз галдығы дејилир. Бундан әлавә Масаллы диндары Зија Таһиров да бир нечә ҝүндүр карсердә сахланылыр.
Гејд едәк ки, мај ајынын 12 дә 5 сајлы ҹәзачәкмә мүәссисәсинә Пенитенсиар Хидмәтин хүсуси тәјинатлы гүввәләри јеридилиб. Һәмин гүввәләр бүтүн мәһбуслары хүсуси илә Исламчы мәһбуслары амансызҹасына дөјүбләр.
Исламчы мәһбуслардан Сураҹ Ағајев вә бир чох мәһкум ишҝәнҹә верилмәк үчүн Ихтисаслашдырылмыш Мүалиҹә Мүәссисәсинә (Тубзон) апарылыб. Бу гејри ади мүалиҹә мүәссисәси Азәрбајҹанын Гуантанамо һәбсханасы кими таныныр.
Билдирәк ки, Азәрбајҹан һакимијјәти 2011-ҹи илдән башлајараг Азәрбајҹан Шиәләринә гаршы гәрәзли мөвге сечәрәк, јүзләрлә Исламчыны мүхтәлиф ијрәнҹ иттиһамларла һәбс едәрәк зинданлара салмышдыр. Тәсүфлә гејд етмәлијик ки, бу гысганҹлыг һәлә дә, инанҹлылара гаршы давам етмәкдәдир...
Диггәт: Хәбәрдән истифадә етдикдә мәнбәјә истинад лазымдыр
