Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы президенти деjиб: Иранын ҝүҹлү нүвә мүзакирә командасы һәр ҝүн Иран халгынын һүгугуну jеринә jетирмәк үчүн даһа ҹидди аддымлар атыр.
Ҹәнаб Һәсән руһани Теһран вилаjәтинин гәрб раjонларына сәфәри заманы Мәлард әһалиси гаршысында деjиб: Диҝәрләриндән бөjүк сәсҝүҹләндириҹиләр иҹарәjә ҝөтүрән чох кичик азлыгларын олмасына бахмаjараг, халгын әксәриjjәти дүнjа илә конструктив, барышыг вә сүлһ jолуну дәстәкләjир. Ҹәнаб Руһани әлавә едиб: Биз өз jолумузу халгын дәстәjи вә Ислам Ингилабынын Бөjүк Рәһбәринин истигамәтләндирмәси илә өтән аjлардакы кими ирәлиләдәҹәjик.
Иран президенти деjиб: Бүтүн Иран халгы билмәлидир ки, jолумуз Иран халгынын һаггыны jеринә jетирмәк вә Иранын бөjүк халгы үчүн фәхрли гәләбәjә имза атмагдыр. Ҹәнаб Руһанинин сөзләринә ҝөрә, Иран халгы уҹа сәслә вә мөһкәм рәфтары илә бүтүн дүнjаjа елан едир ки, зоракылыг вә ифратчылыг дөврү сона чатмышдыр. "Биз һәм дахилдә һәмрәjлик вә jекдиллиjә еһтиjаҹлыjыг, һәм дә реҝионда де-стабиллик jаратмаг вә гоншу өлкәләрдә мүһарибә jаратмаг вә ган ахытмаға чалышан дүшмәнләрин мәкрли планлары гаршысында мүгавимәт ҝөстәрмәлиjик" -деjә Иран президенти әлавә едиб
Диггәт: Хәбәрдән истифадә етдикдә мәнбәjә истинад лазымдыр
