Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Малазијалылар Мјанма дөвләти тәрәфиндән өлкәдә азлыгда олан Руһинга Мүсәлманларына гаршы зоракылыг, ассимилијасија вә сојгырым кими гејриинсани актлара гаршы чыхараг бу өлкәнин Малазијадакы сәфирлији гаршысында етираз аксијасы кечирибләр.
Мәлумата ҝөрә, Инсан Һагглары Тәшкилатлары тәрәфиндән пајтахт Куалаланпурда тәшкил олунан етираз аксијасы иштиракчылары Мјанма дөвләтинә мүраҹиәт үнванлајараг бу өлкәдә јашајан вә азлыг тәшкил едән Руһинга Мүсәлманларына гаршы Аракан әјаләтиндә јүрүтдүјү зоракылыглара сон гојмасыны тәләб едибләр.
Аксија иштиракчыларыајры ајрылыгда Мјанма дөвләтинин сәфирлији гаршысында ики етираз аксијасы тәшкил едәрәк, Малазија һөкүмәтиндән Мјанма дөвләти илә, дипломатик әлагәләрә сон гојмасыны тәләб етмиш һәмчинин Мјанма дөвләтинин јүрүтдүјү иргчи сијасәтләрини мәһкум едән шүарлар вермишләр.
Хатырладаг ки, Мјанма дөвләти вә бир груп буддист јараглылары 2012-ҹи илдән етибарән өлкәдә мин илләр јашамыш Руһинга Мүсәлманларына гаршы сојгырым вә иргчи сијасәтләр јүрүдәрәк, 100 минләрлә Руһингалы Мүсәлманы ев вә јурдларындан дидәрҝин салыблар. Һал һазырда Мјанмадан гачыб ҹаныны гуртара билән он минләрлә Руһингалы Мүсәлманлар гоншу өлкәләрә о, ҹүмләдән Индонезија, Тајланд вә Малазијаја пәнаһәндә олурлар.
Диггәт: Хәбәрдән истифадә етдикдә мәнбәјә истинад лазымдыр
