Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын тәшкилатчылығы илә, Теһранын Зирвә Салонунда кечирилән 32-ҹи Бејнәлхалг Гуран Мүсабигәләри давам едир.
Мүсабигә барәсиндә Вәлијји Фәгиһин Експердисија Мәҹлисинин Керманшаһ рајону үзрә нүмајәндәси Ајәтуллаһ Һәсән Мәмдуһи ҹәнаблары илә апарылан мүсаһибәдә Гурани Кәримин иҹтимаијјәтдәки тәлим вә тәрбијјә мәсәләләриндәки ролуна ишарә едәрәк билдириб: “Бејнәлхалг Гурани Кәрим Мүсабигәләриндә әсас диггәт Гуранын мәна вә тәфсири үзәриндә мәркәзләшдирилмәлидир.”
32-ҹи Бејнәлхалг Гуран Кәрим Мүсабигәләринин информасија аҝентлији илә данышан Ајәтуллаһ Мәмдуһи Гуран Кәримин Ислам өлкәләри арасында ортаг мәсәлә олдуғуна ишарә едәрәк билдириб: “Бүтүн Гурани Кәрим алимләри Ислами тәлим вә идеолоҝијаны иҹтимаијјәтдә јајмаг үчүн бир-бириләри илә әмәкдашлыг етмәлидирләр.”
О, даһа сонра билдириб: “Бејнәлхалг Гурани Кәрим Мүсабигәләри Ислам дүнјасынын Гурани Кәрим үзрә алимләри арасында фүрсәтләрин јараныб, фикирләрин үст-үстә дүшмәси үчүн ҝөзәл бир зәминә јарадыр.”
Вәлијји Фәгиһин Експердисија Мәҹлисинин Керманшаһ рајону үзрә нүмајәндәси Гурани Кәримин дини вә әхлаги дәјәрләрини халгын мүхтәлиф тәбәгәләри арасында хүсуси илә дә, јенејетмә вә ҹаванлар арасында ҝүҹләндирилмәсинә ишарә едәрәк билдириб: “Биз Гурани Кәрим үзәриндә гурулмуш бир иҹтимаијјәтдә јашајырыг, бу сәбәбдән дә, бүтүн саһәләрдә, хүсуси илә дә, Хејријјә вә Вәгф Фондларынын бүтүн програмларында Гуран маарифи тәблиғ олунмалыдыр.”
Ајәтуллаһ Һәсән Мәмдуһи ҹәнаблары даһа сонра Гурани Кәримин халг арасында ҹәзбедиҹи вә мүасир инҹәсәнәт үсуллары илә јајылмасынын зәрури олдуғуна ишарә едәрәк билдириб: “Гурани Кәрим иҹтимаи фәсадларын дәрманы вә мүалиҹә ресчептидир. Буна ҝөрә дә, мүтәхәссисләр Гурани Кәрими ҝөзәл гајдалар илә халга јетириб тәлим кечсинләр.”
Диггәт: Хәбәрдән истифадә етдикдә мәнбәјә истинад лазымдыр
