Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Русиjа Мүдафиә Назирлиjи бир нечә шәһәри еjни вахтда jер үзүндән силә биләҹәк нәһәнҝ нүвә мәрмиләрини jенидән нүмаjиш етдириб.
ҝөрүнтүләрдә 2016-ҹы илдә Русиjанын нүвә арсеналынын онурға сүтунуну тәшкил едәҹәк милjард долларлыг РТ-2УТТКһ Топол-М вә чохсаjлы нүвә башлығы дашыjа билән РС-24 (Јарс) гитәләрарасы баллистик ракетләрин чаjдан кечириләрәк ҝәмиләрә jүкләнмәси әкс олунуб.
11 мин километр мәнзилли РС-24 ракети гаты jанаҹагла ишләjән ики пилләли гитәләрарасы баллистик мәрмидир. Ракетин гаты jанаҹагла ишләмәси даһа тез сүрәт алыб ракет әлеjһинә мүдафиә системләриндән даһа асан кечмәсинә шәраит jарадыр. Бу мәрминин дағыдыҹы ҝүҹү 1945-ҹи илдә Јапониjанын Хиросима вә Нагасаки шәһәрләринә атылмыш АБШ атом бомбаларынын дағыдыҹы ҝүҹүндән 40-50 дәфә бөjүкдүр.
“Топол-М” Русиjанын нүвә башлығы дашыjа билән вә дүнjанын ән узагмәнзилли баллистик ракетидир. Сабит сүрәт вә еjни мүстәвидә һәдәфә ҝетмәjән “Топол-М”, һәдәфә мүхтәлиф jолларла ҝедәрәк, бүтүн ракетдән мүдафиә системләрини алт-үст едир. Чох сүрәтлә jер дәjишдирә билир. Онун үчүн дә һәдәфә алынмасы вә вурулмасы чох чәтиндир. Бу ракет 11.000 км уча биләҹәк имканлара маликдир вә гитәләрарасы ракетдир. “Топол-М” 45-47 тон ағырлыға маликдир, атом бомбасындан 52,5 дәфә ҝүҹлү һесаб олунур. Ракетин узунлуғу 21,5 метрдир. Диаметри исә 1,86 метрдир. Тәк башлыглыдыр, лакин истәнилән вахт чох башлыглы да ола билир. Русиjанын мобил “Топол-М” ракет системләринин стратежи ракет мәркәзи Москванын 240 км шимал-шәргиндә jерләшән Теjкоша шәһәриндә jерләшир.
Диггәт: Хәбәрдән истифадә етдикдә мәнбәjә истинад лазымдыр
