Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Фәләстин-Исраил проблеминдә Фәләстин тәрәфинин данышыглара башчылыг едән рәсмиси, Халг Азадлыг Тәшкилатынын сәдри Саиб Әрәкат Авропа Иттифагынын хариҹи ишләр вә тәһлүкәсизлик сиjасәти үзрә али нүмаjәндәси Федерика Могерини илә ҝөрүшүб.
О ҝөрүшдә билдириб ки, Исраилин баш назири Бенjамин Нетанjаһунун ачыгламалары сүлһүн деjил, Исраилин иргчи вә радикал сиjасәтинин хәбәрчисидир.
СӘрәкат jени Исраил һөкумәтинин Фәләстин торпагларында “Апартһеид” (иргчилик) режимини гурмаг истәдиjини сөjләjиб вә сөзләринә әлавә едиб ки, беjнәлхалг иҹтимаиjjәт Исраилин сүлһү ҝеҹикдирмәк аддымларына ҝөз jумур.
Хатырладаг ки, Б.Нетанjаһу дүнән вердиjи ачыгламада Исраил-Фәләстин мәсәләсинин тәк дөвләтли һәллинә разы олмадығыны билдириб. О, jәһуди дөвләтини таныjан вә силаһсызлашдырылмыш Фәләстин дөвләтини дәстәкләдиjини билдириб.
Диггәт: Хәбәрдән истифадә етдикдә мәнбәjә истинад лазымдыр
