Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын Әл Әнбар әјаләтинин Римади мәркәзи шәһәри өтән ики ҝүн әрзиндә Түркијә васитәси илә Суријаја вә орадан да Ирага кечән ИШИД адлы террор груплашмасынын ағыр һүҹумларына мәруз галыб.
Мәлуматымыза ҝөрә, өтән ҝеҹә, Римади шәһәри уғрунда террорчулар илә Ираг торпагларынын азадлығы уғрунда мүдафиәјә галхмыш силаһлылар арасында ағыр дөјүшләр ҝедиб.
Римади шәһәр Тәһлүкәсизлик әмәкдашларындан бири билдириб: “Шәһәрдә һәр ики гүввәләр арасында сарсыдыҹы дөјүшләр ҝедир, Федерал полис әмәкдашлары шәһәрин гәрб наһијјәсиндәки Вәфа мәнтәгәсини үч сәмтдән ИШИД террорчуларынын һүҹумлары гаршысында мүгавимәтлә дајанмышдыр...”
Һәмчинин диҝәр һәрби ресурсларын билдирдикләри хәбәрә ҝөрә, өлүм-дирим мүһарибәсиндә Аллаһсыз сәләфиләр ағыр иткиләр верибләр. Тәкҹә Ҹүмә Ҝүнү ахшам радәләриндә ҝедән дөјүшләрдә 30 вәһһаби өлдүрүлмүш, хејли сајда јаралы вермиш вә дүшмән гүввәләринин 4 катјуша машыны Ираг Силаһлы Гүввәләринин әлинә кечмишдир.
Ираг Һава Донамасынын гырыҹылары Ираг Мүдафиә Назирлијинин әмри илә Әл Әнбар әјаләтиндә гондарма ИШИД адлы јараглыларын мүхтәлиф мәркәзләрини ағыр ракет атәшинә мәруз гојмушдур.
Ејни заманда Ираг һәрби гүввәләриндән верилән диҝәр бир мәлуматда АБШ вә онун ИШИД әлејһинә јаратдығы гондарма коалисија гүввәләринин Римади шәһәринин гәрбиндә јерләшдирдији һәрби гүввәләри Ҹүмә Ҝүнү дөјүшләр башламаздан өнҹә мәнтәгәни тәрк етмишләр.
Диггәт: Хәбәрдән истифадә етдикдә мәнбәјә истинад лазымдыр
