Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин ҹаванлары да, екстримист террорчуларла мүбаризә апармаг мәгсәди илә, Сурија Милли Ордусу вә Сурија Көнүллү Дәстәләринә гошулур.
Сурија медиаларынын билдирдији хәбәрә ҝөрә, Фәләстин Силаһлы Бригадаларын голу олан Әл Ҹәлил Гүввәләри адлы силаһлы дәстә Сурија Милли Ордусу илә әмәкдашлыға башлајыб.
Гејд едәк ки, ады чәкилән бригаданын “Ҝери Гајыдан Фәләстинли Ҝәнҹләр” һәракатына бағлы олдуғу билдирилир. Һәракатын башчысы Әбул Фәда адлы бир шәхсдир. О, вә онун бригадасы Дәмәшг әтрафында вә һәмчинин Гәләмун јүксәкликләриндә ҝедән дөјүшләрдә Сурија Милли Ордусу вә Көнүллү Дәстәләр илә чијн бә чијинә дөјүшмүшдүр.
Билдирәк ки, Әл Ҹәлил Гүввәләри Фәләстин Јарымһәрби Гүввәләри сырасындакы Бәшшар Әсәд ҹәнабларына дәстәк верән “Әһмәд Ҹәбраил” адлы Силаһлы Гүввәләр илә, сых әмәкдашлыг едир.
Диггәт: Хәбәрдән истифадә етдикдә мәнбәјә истинад лазымдыр
