Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы президенти Әрәбистанын гоншу Јәмәнә намәрдҹәсинә һүҹумуну стратеjи jанлышлыг адландырыб.
Иран Ислам Республикасы президенти Һәсән Руһани бу ҝүн Теһранда Гырмызы Аjпара һәфтәси мүнасибәти илә кечирилән "Меһрибан инсан; Сакит дүнjа" конфрансында етдиjи чыхышында деjиб: Дүнjанын сиjаси мәсәләләрини дәрк етмәjән вә һәмишә нефт долларлары илә өлкәсинин мәсәләләрини һәлл едән һөкумәт бомба сечими илә гүдрәтли өлкә вә реҝиондакы мәгсәдләринә наил олмаг хүлjасы илә Јәмәнә һүҹум етди.
"Әҝәр Јәмәндән башга бир өлкәjә һүҹум олунардыса, Беjнәлхалг Гырмызы Хач Комитәси вә Гырмызы Аjпара Ҹәмиjjәти нә едәрди?" суалыны ирәли сүрән Иран Ислам Республикасы президенти әлавә едиб: Чохлу проблемләри олан 3-ҹү дүнjа өлкәси гоншу өлкәнин намәрдҹәсинә һүҹумуна мәруз галыб.
Руһани билдириб: Әҝәр Јәмән халгынын кәдәри диҝәр өлкәләрин кәдәри илә еjни олмаса, бәллидир ки, Беjнәлхалг Гырмызы Хач Комитәсинин принсипләринә һөрмәтлә jанашылмаjаҹаг.
Иран президенти Иранын Гырмызы Аjпара Ҹәмиjjәтинин дүнjаjа хилас вә jардым саһәсиндә сәс салдығыны вә Беjнәлхалг Гырмызы Хач Комитәсини дә Јәмәнә чәкмәли олдуғуну билдирәрәк деjиб: Иранын мәгсәди Јәмәнин мәзлум халгына көмәк етмәкдир вә Беjнәлхалг Гырмызы Хач Комитәси бу jолда көмәк етмәлидир.
Диггәт: Хәбәрдән истифадә етдикдә мәнбәjә истинад лазымдыр
