Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Һиндистан ордусу Пакистанын пилотсуз учан апаратлары вә ракет һүҹумлары нәтиҹәсиндә Һиндистанын ИШҒАЛ АЛТЫНДА ОЛАН Кәшмиринин Ҹамму шәһәриндә партлајыш сәсләринин ешидилдијини ачыглајыб.
“Реутерс”ин мәлуматына ҝөрә, сиренләр сәсләндикдән сонра шәһәрин сәмасында гырмызы ишыглар ҝөрүнүб.
Һиндистан һәрби рәсмисинин сөзләринә ҝөрә, Пакистандан Ҹамму бөлҝәсиндәки Сатвари, Самба, Ранбир Сингһ Пура вә Арнија гәсәбәләринә атылан 8 ракет Һиндистанын һава һүҹумундан мүдафиә бөлмәләри тәрәфиндән әлә кечирилиб.
Һиндистан вә Пакистан арасында мүнасибәтләр 1947-ҹи илдә мүстәмләкәчи Британијадан мүстәгиллик әлдә етдикдән сонра ҝәрҝинликлә долудур.
Бундан әввәл Пакистан вә Исламабадын нәзарәтиндә олан Кәшмирин сәрһәд бөлҝәләринә Һиндистан гүввәләринин һүҹумларындан сонра Пакистанын хариҹи ишләр назири Мәһәммәд Исһаг Дар нүвә силаһына малик ики өлкәнин бөјүк мүнагишә астанасында олдуғу барәдә хәбәрдарлыг етмишди.
Исһаг Дар ҹүмә ахшамы вердији рәсми ачыгламада чәршәнбә ҝүнү сәһәр Һиндистанда баш верән сон һүҹумларда ән азы 31 нәфәрин өлдүјүнү вә 57 нәфәрин јараландығыны ачыглајыб.
Sizin rəyiniz