Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: "Руссиа Тодај"-ин мәлуматына ҝөрә, Үмумдүнја Әрзаг Програмынын- (ҮӘП) иҹрачы директору Синди Һенсли-Макин Гәзза сакинләринин јашадыглары фәлакәтли шәртләрлә бағлы хәбәрдарлыг едәрәк билдириб ки, инсанлар фаҹиәви вәзијјәтдәдир вә ҹидди әрзаг гытлығы сәбәбиндән аҹлыг чәкирләр.
О изаһ едиб ки, һуманитар бөһранын даһа да писләшмәси вә ҝениш мигјасда аҹлығын баш вермәси илә бағлы ҹидди нараһатлыглар вар, чүнки ҮӘП әразијә чыхышын олмамасы сәбәбиндән лазыми јардымы ҝөстәрә билмир.
Диҝәр тәрәфдән, Бирләшмиш Милләтләр Тәшкилатынын Фәләстинли Гачгынлара Јардым вә Ишләр Идарәси (UNRWA) да Гәзза золағында аҹлығын ҝенишләндијини вә шиддәтләндијини вә зәрури тибби ләвазиматларын үчдә икисинин ики ајдан аз мүддәтдә түкәнәҹәји прогнозлашдырылдығыны вурғулајыб.
Гејд едәк ки, мартын 2-дән Исраил фашист режими Гәзза золағына ҹидди блокада тәтбиг едиб вә бу, әрзаг, јанаҹаг вә тибби аваданлыг да дахил олмагла һуманитар јардымларын өлкәјә ҝиришини тамамилә дајандырыб. UNRWA һәмчинин ун еһтијатларынын түкәндијини вә ҹәми 250 гида пакетинин олдуғуну ачыглајыб.
Sizin rəyiniz