Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ирагын Халг Сәфәрбәрлик Гүввәләриндән бири олан Нүҹәба Мүгавимәт Һәрәкатынын баш катибинин Иран Ислам Республикасындакы нүмајәндәси Сејјид Аббас Мусәви Һәшду Шәби (Халг Сәфәрбәрлик) Гүввәләринин ләғв едилмәси хәбәрини гәти шәкилдә тәкзиб едәрәк, бу Гүввәләрин Ираг Силаһлы Гүввәләринин ајрылмаз һиссәси олдуғуну вурғулајыб.”
Мусәви билдириб: “Халг Сәфәрбәрлик Гүввәләри өз тәсисатлары вә системи илә Ираг Силаһлы Гүввәләринин бир һиссәсидир. Һәшду Шәби, АБШ вә онун “ИШИД” кими муздлулары илә мүбаризә апармаға гадир олан ән ҝүҹлү һәрби вә тәһлүкәсизлик гүввәси олдуғуну сүбут етди".
О, һәмчинин 2017-ҹи илдә Һәшду Шәби Гүввәләринин АБШ-ын Ирагдакы ҝенишмигјаслы планыны алт-үст етдијинә вә Ираг әразисини АБШ-ын дәстәкләдији ИШИД террор тәшкилатынын варлығындан тәмизләдијинә диггәт чәкиб.
Ҹәнаб Сејјид Мусәви шөвглү ираглы ҝәнҹләрдән ибарәт гүввәләрин Ираг халгынын әсас базасына чеврилдијини вә бу сәбәбдән АБШ-ын Ираг һөкумәтинә Халг Сәфәрбәрлик Гүввәләрини маржиналлашдырмаг үчүн бөјүк тәзјигләр етдијини вурғулајыб.
Ираг Нүҹәба Һәрәкатынын баш катибинин Ирандакы нүмајәндәси дә вурғулајыб: “Халг Сәфәрбәрлик Гүввәләри һәмишә Ираг Силаһлы Гүввәләринин ајрылмаз һиссәси олуб вә мүгавимәт охунун әсас дәстәкчиси һесаб олунур. Онларын мүгавимәт охуна јанашмалары Һәшд Мәҹлиси ганунунун тәсдиги илә дәјишмәјәҹәк.”
О, Халг Сәфәрбәрлик Гүввәләринин јарандығы ҝүндән бу ҝүнә гәдәр Ираг Силаһлы Гүввәләринин Баш назири вә Баш Команданынын нәзарәти алтында фәалијјәт ҝөстәрән рәсми вә мүстәгил бир гурум олдуғуну ачыглајыб. Јени ганунун верилмәси илә груп нисби мүстәгиллик әлдә едәҹәк вә ордунун дејил, Ирагын баш назиринин нәзарәти алтында галмаға давам едәҹәк.
Мусәви сонда вурғулајыб ки, Али Тәглид Мәрҹәләринин-(мүҹтәһидләрин) Ҹиһаде Кифаи фәтвасы илә формалашан Халг Сәфәрбәрлик Гүввәләри һеч вахт дағылмајаҹаг. Онун дағылмасы Америка дүшмәнинин вә онун шәр давамчыларынын фантазија вә иллүзијаларынын нәтиҹәсидир.
Sizin rəyiniz