Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Гум Елми Һөвзәсинин Мүәллимләр Дәрнәјинин үзвү Ајәтуллаһ Мөһсүн Фәгиһи АБНА Бејнәлхалг Хәбәр Аҝентлијинин редаксијасын зијарәт едиб вә аҝентлијин фәалијјәти илә бағлы мәлуматландырылыб.
Сәмәрәли зијарәтдән сонра Ајәтуллаһ Фәгиһи АБНА Хәбәр Аҝентлијинин мүхбирләри илә ҝөрүшүбләр. Вә редаксијамызын үзүвләри үчүн етдији чыхышында һазыркы вәзијјәтдә медианын миссијасыны вә медиа етикасынын әһәмијјәтини ачыглајыблар.
Гум Елми Һөвзәсинин Мүәллимләр Дәрнәјинин үзвү АБНА Хәбәр Аҝентлијинин мүхтәлиф саһәләрдә ҝөстәрдији хидмәтләри јүксәк гијмәтләндирәрәк хәбәр аҝентлијинин мүхбирләринә мүраҹиәт едәрәк билдирибләр: “АБНА Хәбәр Аҝентлији мүхтәлиф дилләрдә лајигли хидмәтләр тәгдим едир вә бу хидмәтләр тәгдирә вә тәшәккүрә лајигдир.”
Гум Елми Һөвзәсинин профессору даһа сонра билдирибләр: “Биз ишимиздә Аллаһа јахын олмаг нијјәтиндә олмалыјыг. Әлимиздә олан һәр шејин Аллаһдан олдуғуну билмәлијик вә Аллаһ јолунда сабит олмалыјыг.”
Мүәллимләр Дәрнәјинин үзвү гејд едибләр: “Јаздығымыз һәр бир сөз Аллаһа вә Заманын Имамына (әҹҹәләллаһу тәала фәрәҹәһу шәриф) хош ҝәлмәлидир. Биз Имам Заманын (әҹҹәләллаһу тәала фәрәҹәһу шәриф) разы олдуғу вә Али Мәгамлы Рәһбәрин бәјәндији јолла ҝетмәлијик.”
Ајәтуллаһ Фәгиһи медиада етибарлылыг вә дүрүстлүјүн ваҹиблијинә ишарә едәрәк билдирибләр: “Әҝәр сөз вә хәбәрләрин јајылмасы саһәсиндә дүрүстлүк вә дүзҝүнлүјү горујуб сахласаг, бөјүк хидмәтләр ҝөстәрә биләрик.”
Гејд едәк ки, АБНА Информасија Аҝентлијинин иҹрачы директору Һәсән Садраи Ареф аҝентлијин мүхтәлиф департаментләринин фәалијјәти һаггында һесабат тәгдим едибләр.
Sizin rəyiniz