Әһли-Бејт (әлејһимус сәлам) – Бејнәлхалг Хәбәр Аҝентлији- АБНА:
1. Давуд пејғәмбәрин (әлејһис-салам) вә Һз.Сүлејманын (әлејһис-салам) баҹарыглары
Аллаһ Сүбһанәһу Тәала һәзрәт Давуд пејғәмбәрә (әлејһис-салам) дәмири јумшалтмаг гүдрәтини верди вә һәзрәт Сүлејман пејғәмбәрә (әлејһис-салам) күләкләр вә ҹинләр үзәриндә һөкмранлыг верди. (Сәба: 10-14)
2. Сәба әһлинин немәтләри инкар етмәләринә ҝөрә әзабы
Сәбаи гөвмүнүн ҝөзәл бағлары нанкорлуглары уҹбатындан сел сәбәбијлә дәјәрсиз бағлара чеврилди. (Сәба: 15-21)
3. Үч пејғәмбәрин әһвалаты вә халгын дәвәтинин рәдд едилмәси
Шәһәр әһалиси үч пејғәмбәрин дәвәтини гәбул етмәк әвәзинә онлары шәр адландырараг пејғәмбәрләрә дәстәк верән мөмини өлдүрдүләр. (Јасин/13-32)
4. Нуһ пејғәмбәрин (әлејһис-салам) хиласы вә онун нәслинин сағ галмасы
Сәмими бәндәләр Нуһ пејғәмбәрин (әлејһис-салам) чағырышына ҹаваб вердиләр, буна ҝөрә дә Аллаһ Тәала һәзрәт Нуһу (әлејһис-салам) аләмләр арасында шәрәфләндирди вә онун нәслини горуду, диҝәрләри исә боғулараг мәһв олдулар. (Әс-Саффат/75-82)
5. Ибраһим пејғәмбәрин (әлејһис-салам) иманы вә бөјүк имтаһан
Һәзрәт Ибраһим (әлејһис-салам) пак бир гәлблә Аллаһа иман ҝәтирмиш вә бөјүк сынагдан (өвлады Исмаили (әлејһис-салам) гурбан вермәк) башыуҹалыгла чыхмыш вә гурбаны гәбул едилмишдир. (Әс-Саффат/83-113)
6. Һәзрәт Муса (әлејһис-салам) вә Һаруна (әлејһис-салам) Аллаһын көмәји.
Аллаһ Тәала һәзрәт Мусаја (әлејһис-салам) вә гардашы һәзрәт Һаруна (әлејһис-салам) лүтф бәхш етди, онлары бөјүк чәтинликләрдән хилас етди, онлара көмәк етди, һидајәт етди вә сонракы нәсилләр арасында онлар үчүн ҝөзәл ад гојду. (Әс-Саффат/114-122)
7. Һәзрәт Илјас пејғәмбәр (әлејһис-салам) вә онун ҝөзәл ады
Һәзрәт Илјас пејғәмбәр (әлејһис-салам) гөвмүнү бүтпәрәстликдән чәкиндирмиш вә онлары Аллаһа ибадәт етмәјә чағырмышдыр. (Әс-Саффат/123-138)
8. Һәзрәти Јунус пејғәмбәр (әлејһис-салам) вә балығын гарнындан гуртулуш
Һз. Јунус Пејғәмбәр (әлејһис-салам) гөвмүндән гачыб балыг тәрәфиндән удулдугдан сонра төвбә едиб Аллаһа һәмд етмәклә хилас олду вә јенидән өз гөвмүнә ҝөндәрилди. (Әс-Саффат/139-148)
Sizin rəyiniz