Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: "Мүавијә" теле-сериалынын иҹмал сессијасында мүтәхәссисләр сериалы нәзәрдән кечирибләр.
Мүавијә теле-сериалы сүнни идеолоҝијасына зиддир.
Динләр вә Конфессијалар Университетинин профессору Һөҹҹәтүлислам Доктор Меһди Фарманиан бу ҝөрүшдә дејиб:
“Бу ҝүн вәһһабиләр Османлы дүшүнҹәсини сүнни дүшүнҹәси кими танытмаг үчүн Мүавијә силсиләсиндән истифадә етмәк нијјәтиндәдирләр. Амма бу, Ибн Тејмијјәнин тәфәккүрү олдуғу үчүн, Әһли Сүннәт “дә бу дүшүнҹәјә гаршыдырлар.
О әлавә едиб:
“Үләмалар, бөјүкләримиз дүшмән пазелини тамамламамалыдырлар; Чүнки вәһһабиләр шиәләрлә сүнниләр арасында дава салмаға чалышырлар; Бахмајараг ки, әслиндә әсас фәрг сүнниләрлә вәһһабилик арасындадыр. Она ҝөрә дә биз сүнни алимләринин тәнгидләрини әкс етдирмәклә бу силсиләјә гаршы чыха биләрик.”
Доктор Меһди Фарманиан даһа сонра вурғулајыб:
“Бу сериалда сүнни тарихинә садиг галмаға чалышылса да, лакин вәһһабиләрин тапшырыг вә әмрләри јеринә јетирилиб; Она ҝөрә дә тарихчиләр сүнни мәнбәләринә ујғун олараг теле-сериалдакы чохсајлы тарихи сәһвләри үзә чыхарараг, теле-сериалы тәнгид едә биләрләр.”
Мүавијә теле-сериалы Әһли Тсәннүнүн бахышы дејил.
Јәмәнли Ислам алими вә мүтәфәккири Др. Ессам Јәһја Имад сүнни алимләринин Мүавијә илә бағлы фикирләри һаггында белә дејиб:
“Һәсән әл-Бәнна Мүавијәнин әлејһинә иди, Әһмәд Сиддиг әл-Емәри Мүавијә әлејһинә китаб јазыб, һәтта сәләфи олан Ибн әл-Ҹөвзи дә Језиди тәкзиб едән әсәр јазыбдыр. Мүавијә теле-сериалыны јараданлар сүнни вә шиәләрин әгидәсини гәбул етмәјән сектадыр. Она ҝөрә дә демәк олмаз ки, Мүавијә теле-сериалы Иран вә Сәудијјә Әрәбистаны арасындакы ихтилафларын нәтиҹәсидир. Бундан әлавә Иран истеһсалы олан теле-сериалларда сүнни бахышына диггәт јетирилир.”
Др. Ессам Јәһја Имад даһа сонра вурғулајыб:
“Мүавијә теле-сериалыны сүнни нөгтеји-нәзәри кими тәгдим етмәк әдаләтсизликдир. Мүавијә теле-сериалыны јараданлар Тарихи Тәбәри китабынын сүнниләрин истинад етдикләри тарихи китаб олмасыны шүбһә алтына алан сектачыларын фикирләринә әсасланырлар. Һалбуки, Тарихи Тәбәри тәкҹә сүнниләрин дејил, һәм дә шиәләрин истифадә етдији бир китабдыр. Мүавијә теле-сериалынын јарадыҹылары исә “Тарих әт-Тәбәри” вә “Тарих Ибн Кәсир” китабларындан истифадә етмәмишләр, чүнки бу сериалда Мүавијә һаггында тәгдим етдикләри нәзәријјә бу ики китабларла зиддијјәт тәшкил едир. Буна ҝөрә дә Мүавијә сериалы Тарихи Тәбәријә зиддир, чүнки сүнниләрин тарихи мәнбәләриндә Мүавијә һаггында гејд олунан тарих илә шиәләрин тарихи мәнбәләриндә гејд олунан тарих арасында һеч бир фәрги јохдур.”
100 милјон долларлыг теле-серијал!
Медиа експерти вә кино тәнгидчиси Һөҹәтүлислам Мортеза Фаллаһ да сессијада чыхыш едәрәк дејиб: "Мүавијә сериалы МБҸ тәрәфиндән һазырланыб. Ики ил әввәл јајымланмалы иди, лакин етиразлар сәбәбиндән тәхирә салынды. Сериалын бүдҹәси 100 милјон доллардыр. Әрәб өлкәләри сон илләрдә стратежи сериалларын истеһсалына ҝирмиш вә бу ил бәзи әрәб өлкәләринин јүрүтдүјү макро сијасәтләрә ујғун олараг Муавијә сериалы чәкилмишдир. Амма факт бутасындадыр ки, сүнни иҹмасы да Мүавијәнин бу ҹүр тәсвири илә разылашмыр.”
О әлавә едиб:
“Сериалла бағлы проблемләрдән бири дә персонажларын дүзҝүн тәсвир едилмәмәсидир. Мәсәлән, Мүавијә чох јејән көк бир инсан олуб вә Пејғәмбәр (сәлләллаһу әлејһи вә алиһ) ону дојмамагла ләнәтләмишдир вә Мүавијјә бу нифриндән сонра дојмамазлыг хәстәлијинә дүчар олмушдур. Лакин телесериалдакы Мүавијә исә ҝөзәл гурулушлу бир характер кими тәсвир едилмишдир. Мәсәлән, Мүавијәнин Мәккәнин фәтһиндән әввәл Исламы гәбул етмәси мәсәләси бу тарихин ашкарҹасына тәһриф едилмәсидир. Сериалдакы диҝәр мәзмун гүсуру исә мүһүм тарихи һадисәләрин нәгл олунмамасы мәсәләсидир. Чүнки, сериалда бу мүһүм һадисәләр нәгл олунардыса теле-сериал сифаришчиләри өз әсас мәгсәдини, јәни Мүавијәни вә Әмәви сүлаләсини паклыға чыхарма сијасәтләрини һәјата кечирдә билмәздиләр.”
Сериалда Мүавијәнин әсл симасы ҝизләдилир
Кино мүтәхәссиси Һөҹҹәтүлслам Адриани ҹәнаблары да чыхыш едәрәк дејибләр:
“Бу сериал Исламы Пејғәмбәринин бир нөмрәли дүшмәни вә гаты әлејһидары олан Әбу Сүфјан кими үнсүрләрин имиҹини сафлашдырмаға чалышыр. Мүавијә сериалы Әбу Сүфјаны Мәһәммәд пејғәмбәрин (сәлләллаһу әлејһи вә алиһ) гаршысында дуран бири јох, Уһуд дөјүшүнүн тамашачысы кими тәгдим едир.”
Бу медиа експерти даһа сонра вурғулајыб:
“Бу сериалда тамашачылар Мүавијәнин сафлашмасынын шаһиди олурлар; Голани Суријадакы костјумунун архасында террорчу кимлијини ҝизләтдији кими, бу сериал да Мүавијәнин әсл характерини ҝизләтмәјә чалышыр.”
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz