Әһли-Бејт (әлејһимус сәлам) – Бејнәлхалг Хәбәр Аҝентлији- АБНА:
1. Нуһ пејғәмбәрин (әлејһис-сәлам) Өз гөвмүлә олан мүшкүлү
Һәзрәт Нуһ (әлејһис-сәлам) Аллаһа тәвәккүл етди вә гөвмүнә деди: “Әҝәр мәним сөзләрим сизә ағыр ҝәлирсә, мәнимлә үз-үзә ҝәлмәк үчүн әлиниздән ҝәләни един” (Јунус/71-73).
2. Фиронун тәкәббүрү вә хүдпәрәстлији
Һәзрәт Муса (әлејһис-салам) Илаһи мөҹүзәләрлә Фиронун јанына ҝетди, лакин Фирон тәкәббүрлүк вә хүдпәрәстлик едәрәк Ону инкар етди (Јунус/75-93).
3. Гуртулуш Ҝәмиси вә Бөјүк Фыртына
Һәзрәти Нуһ пејғәмбәрин (әлејһис-салам) гөвмү Ону мәсхәрәјә гојараг дедикләрини вә ҝәтирдикләрини инкар етдикләри үчүн Аллаһ ҝәминин иншасыны әмр едәрәк мөминләри хилас етди вә Онун гөвмүнү туфанла боғду (Һуд/48-25).
4. Һуд пејғәмбәр (әлејһис-сәлам) вә Ад гөвмү
Һәзрәт Һуд (әлејһис-сәлам) пејғәмбәр Ад гөвмүнү етдикләри ҝүнаһларынын аҹы агибәти барәдә хәбәрдар етди, лакин онлар инкар етдиләр вә бөјүк бир әзабла һәлак олдулар (Һуд/50-60).
5. Һәзрәт Салеһ (әлејһис-сәлам) вә Сәмуд гөвмү
Һәзрәт Салеһ (әлејһис-сәлам) пејғәмбәр Өз гөвмүнү Аллаһа ибадәт етмәјә вә төвбә етмәјә чағырды, лакин онлар Аллаһын мөҹүзәси олан Дәвәни инкар едәрәк она зәрәр вурдуглары үчүн ҹәзаландырылдылар (Һуд: 61-68).
6. Һз. Ибраһимин (әлејһис-сәлам) оғлуна бәшарәт вермәси
Һәзрәт Лутун (әлејһис-сәлам) гөвмүнү һәлак етмәк үчүн ҝедән Аллаһын елчиләри Һәзрәти Ибраһим (әлејһис-сәлам) пејғәмбәрин евиндә гонаг олдулар вә гоҹалыг чағында она бир ушаг мүждәси вердиләр (Һуд/76-69).
7. Лут пејғәмбәрин (әлејһис-сәлам) гонаглары вә гөвмүнүн фитнә-фәсадлары
Һз. Лут (әлејһис-салам) пејғәмбәр Өз гөвмүнә позғунлуғун гаршысыны алмаг вә гонагларыны горумаг үчүн гызлары илә евләнмәји гөвмүнә тәклиф етди, лакин онлар бундан имтина етдиләр вә ҹәзаландырылдылар (Һуд/77-83).
8. Мәдјәнлиләрин игтисади фәсадлары
Шуејб (әлејһис-сәлам) гөвмүнү игтисади вә әхлаги фәсадлардан чәкиндирди, лакин онлар инкар вә етинасызлыгларына ҝөрә ҹәзаландырылдылар (Һуд/84-95).
9. Фирон вә гөвмүнүн дүнја вә ахирәт агибәти
Фирон гөвмү ҝөрдүкләри пис әмәлләринә ҝөрә дүнјада ләнәтләнмиш, ахирәтдә исә ҹәһәннәм одуна атылмышдыр (Һуд, 96-99).
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz