Әһли-Бејт (әлејһимус сәлам) – Бејнәлхалг Хәбәр Аҝентлији- АБНА:
1. Үһүд дөјүшүнүн ҝедишаты
Аллаһ Үһүд дөјүшүндә мүсәлманлары имтаһана чәкди вә онлар һәм гәләбә, һәм дә мәғлубијјәт јашадылар (Али Имран/121-132).
2. Исанын (әлејһис-сәлам) ҝөјләрә галхмасы
Бәни-Исраил әһди позараг Исаны (әлејһис-салам) өлдүрдүкләрини зәнн етдиләр, Аллаһ исә ону Өз һүзуруна галдырды (ән-Ниса/153-161).
3. Муса вә Исраил өвладларынын итаәтсизлији
Бәни-Исраил Мусанын (әлејһи сәлам) Илаһи әмринә табе олмадылар вә онун ләнәтинә дүчар олараг, 40 ил бијабанларда сәрҝәрдан олдулар вә әзаб чәкдилә. (Маидә 20-26).
4. Габилин һәсадәтлији
Һабил вә Габил Аллаһа гурбан ҝәтирдиләр; Лакин Габилин, гардашы Һабилин гурбанынын гәбул олунмасына олан һәсадәтлији гардашыны өлдүрмәсинә сәбәб олду (Маидә: 27-31).
5. Һәвариләрин Сәмави Јемәк истәмәси
Һәвариләр үрәкләрини сакитләшдирмәк үчүн Исадан (әлејһис-салам) сәмави јемәк истәдиләр вә Аллаһ ону назил етди (Маидә/112-115).
6. Һәзрәт Ибраһим (әлејһи сәлам) вә Улдузпәрәстләр
Һәзрәт Ибраһимин (әлејһис-салам) улдузлары, ајы вә ҝүнәши мүшаһидә етмәси онун мүшрикләрлә мүбаһисәсинә әсас верди вә онлары дүшүндүрдү (Әнам/74-83).
7. Шејтанын говулмасы
Шејтан тәкәббүр ҝөстәрдијинә вә Адәмә сәҹдә етмәдијинә ҝөрә ҹәннәтдән говулмуш вә инсанлары аздырмаг үчүн Аллаһ Тәаладан гијамәтә гәдәр мөһләт истәди. Лакин Аллаһ Тәала она мүәјјән бир вахта гәдәр (Имам Заман ағанын зуһур едәҹәји ҝүнә гәдәр) мөһләт верди (Һиҹр: 29-38).
8. Адәмин (әлејһи сәлам) ҹәннәтдә мәскунлашмасы
Аллаһ Тәала Һз.Адәми вә онун зөвҹәси Һз. Һәвваны ҹәннәтдә јерләшдирди вә онлара мүәјјән бир ағаҹын мејвәсиндән јемәји гадаған етди. Лакин онлар шејтанын вәсвәсәсинә ујараг ондан једиләр (Әраф, 19-25).
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz