Әһли Бејт әлејһимус сәлам Бејнәлхалг Хәбәр Аҝентлији -АБНА: Декабрын 11-дән 13-дәк Мәшһәд шәһәриндә, 10 Ислам өлкәсиндән 300 мәдәни, тәблиғат, арашдырма, медиа вә виртуал мәкан фәалынын иштиракы илә Әрбәин Мәдәнијјәт Фәалларынын 4-ҹү Бејнәлхалг Конфрансы кечирилиб.
Јүксәк фәрјадлы вә бәнзәрсиз вә бәрабәри олмајан бир конгрес
Ислам Шурасынын сәдри Мәһәммәд Багир Галибаф бу конфранса мүраҹиәтиндә дејиб: "Әрбәин зәвварларын, паклыг вә исмәт аиләсини (әлејһимус-сәлам) севән зәвварларын иштиракы илә милјонларла инсанын ваһид бир јүрүшә топланмасы бу ҝүнкү ҝүнүн сәс-күјлү дүнјасында бәнзәрсиз бир конгрес, ҝур вә мисилсиз һајгырты кими дүнјанын азад инсанларынын гәлбләрини ҹуша ҝәтирир."
Әрбәин гәрарҝаһынын мәдәнијјәт комитәсинин рәһбәри Һүҹҹәтүл-ислам вәл-мүслимин Һәмид Әһмәди дә конфрансда нитг сөјләјәрәк гејд едиб: "Имам Һүсејнин бөјүк Әрбәин һәрәкаты Ашура мәдәнијјәтини мүасир сивилизасијанын вә Ислами Дөвләт гуруҹулуғунун тәмәли кими танытмаг үчүн ҝөзәл фүрсәтдир. Әрбәин Иран вә Ираг халгы илә һөкумәти арасында бүтүн саһәләрдә даһа бөјүк бирлик ҝәтирди ки, бу да тәгдирәлајигдир."
О, чыхышына давам едәрәк билдириб: "Әрбәин мәдәни фәалларынын конфрансында иштирак едәнләрин севимли вә актуал мөвзуларындан бири, дөвләтләрин Әрбәин мәрасиминин иҹрасына һеч бир мүдахилә етмәмәли, һансыса бир иши өһдәсинә ҝөтүрмәкдән чәкинмәлидир. Әксинә, дөвләтләр садәҹә мәрасимлә әлагәдар тәһлүкәсизлијин тәмин едилмәси формасында ишләрин асанлашдырылмасы вә дәстәкләнмәсинә јардым етмәлидирләр.
Биз 10 милјон иранлы Әрбәин зәвварыны гәбул едә биләрик
Ираг Радио вә Телевизија Бирлијинин рәһбәри Һөҹҹәтүл-ислам вәл-мүслимин Сејид Һәмид Һүсејни дә бу конфрансда чыхыш едәрәк билдирибләр: "Бөлҝәнин һәссас шәраитини вә глобал һадисәләри нәзәрә алараг, иранлы гардашларын ҝәлән ил Ирагда, Имам Һүсејн әлејһиссәламын Әрбәин мәрасиминә 10 милјон инсан ҝәтирмәсини, Ислам дүнјасынын дүшмәнләрини мәјус етмәләрини вә ики дост вә гардаш өлкә арасында бирлијин даһа да мөһкәмләнмәсини ҝөзләјирик. Ираг халгынын евинин гапысы Сејид әш-Шүһәданын (әлејһи сәлам) зәвварларынын үзүнә ачыгдыр."
Гејд едәк ки, Әрбәин Мәдәнијјәт Фәалларынын 4-ҹү Бејнәлхалг Конфрансынын диҝәр програмларындан бири дә мүгавимәтин вә сүнни алимләринин иштиракы илә Имам Рзанын (әлејһи сәлам) мүгәддәс һәрәминин ејванында, Гәзза вә мүгавимәт шәһидләринин аным вә еһтирам мәрасиминин кечирилмәси олуб.
Диггәт! Лүтфән хәбәрдән истифадә етдикдә мәнбәјә истинад едәсиниз.
