Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Суријанын террорчулар тәрәфиндән деврилмиш президенти өлкәсини тәрк етдикдән вә һөкумәтинин дағылмасындан сонра вердији илк бәјанатында белә дејиб: “Мән, ишими давам етдирмәк үчүн Дәмәшгдән Һмејмим базасына (Русијанын нәзарәти алтында, Суријанын гәрбиндә) һәрәкәт етдим, лакин ордунун сон мөвгеләринин сүгут етмәси илә Москва 8 декабр, 2024 тарихдә, ахшам саатларында база команданлығындан дәрһал Москваја ҝетмәји хаһиш етди."
Бәшшар Әсәд базар ертәси, декабрын 16-да “Сурија Рәјасәт Һејәтинин Телеграм каналы”ндан јајымладығы бу бәјанатында сон анлара гәдәр Суријада галдығыны вә өлкәсиндәки вәзијјәти изләдијини вә декабрын 8-и ахшама гәдәр Суријаны тәрк етмәдијини, лакин Москванын Һмејмим базасынын команданлығына вердији әмириндән сонра Суријадан чыхмалы олдуғуну вурғулајыб.
О, Дәмәшги ишғал едән, һазырда Суријанын бөјүк бир һиссәсинә нәзарәт едән үнсүрләри террорчу адландырыб вә өлкәсинин тәхрибатчыларын нәзарәти алтында олдуғуну јазыб.
Бәшшар Әсәдә гаршы террорчулар нојабр ајынын 8-дә, тәхминән он илә јахын әлләриндә сахладыглыары Суријанын шимал-гәрбиндәки Идлиб шәһәриндән һәрәкәтә башлајараг, 11 ҝүн әрзиндә Һәләб, Һәма вә Һумусу әлә кечирәрәк Дәмәшгә дахил олудулар.
АБШ, Гәрб вә әксәр дүнја медиаларында “мүхалифәт үсјанчылары” ады илә сәсләндирилән террорчулар үзәриндә үстүнлүк тәшкил едән “Һејәт Тәһрир әл-Шам” террорчу груплашманын командири Әбу Мәһәммәд әл-Ҹолани ләгәбли Әһмәд әл-Ш`әр Бәшшар Әсәдин ҝедишиндән сонра ишләрин идарәчилијини өз үзәринә ҝөтүрүб вә Әсәд тәрәфиндән тәјин олунмуш һөкумәти Баш назир Мәһәммәд әл-Бәширин рәһбәрлик етдији кечид һөкумәтинә тәһвил вериб.
Русија рәсми олараг бәјан едиб ки, Русија президенти Владимир Путинин разылығы илә Бәшшар Әсәд вә онун һәјат јолдашы вә ушагларына сығынаҹаг вериб.
Бәшшар Әсәд вердији ачыгламасында Суријаны тәрк етмәсинин планлашдырылмадығыны вә "һадисәләрин һеч бир мәгамында ҝери чәкилмәк вә ја сығынаҹаг ахтармағы дүшүнмәдијини" вурғулајыб.
О, һәмчинин өлкәни тәрк етмәк тәклифинин “она һеч бир шәхс вә ја тәрәф тәрәфиндән тәгдим олунмадығыны” гејд едиб.
Бәшшар Әсәд билдириб ки, о, һәмин о адамдыр ки, 2011-ҹи илдә, АБШ, сионист Исраил, Түркијә, Сәудијјә Әрәбистаны вә с. хариҹи дөвләтләр тәрәфиндән Суријада башладылан ганлы вә ағыр мүһарибә илләриндән бу ҝүнә кими даим милләтини хилас етмәјә чалышан вә өзүнү тәһлүкәјә атан вә ја шәхси мәнфәәт үчүн бир чох ширникләндириҹи тәклифләри рәдд етди.
Бәшшар Әсәд “террор һүҹумлары илә мүбаризә апармағы” јеҝанә практик һәлл јолу билдијини вә бунунла мәшғул олдуғуну да билдириб.
Реутерс хәбәр аҝентлији, Бәшшар Әсәдин Дәмәшги тәрк етмәсиндән бир нечә ҝүн сонра о вахткы һөкумәтин чохлу сајда јүксәк рүтбәли рәсмиләри вә Ислам Республикасына бағлы бир нечә мәмурун вердикләри бәјанатларына истинадән вердији хәбәрдә билдириб: “Бәшшар Әсәд, декабрын 7-дә, Дәмәшгдә, Мүдафиә Назирлији бинасында тәһлүкәсизлик вә һәрби гүввәләринин командирләри илә ҝөрүш кечириб вә онлара билдириб ки, Русијанын әлавә гүввәләри јолдадыр. Вә Сурија ордусу јалныз руслар ҝәләнә гәдәр мүгавимәт ҝөстәрмәлидир.”
Һәмин шәнбә ҝүнү ахшам террорчу гүввәләр Һомсу кечәрәк Дәмәшгин гапыларына чатмышдылар.
Реутерс-ин арашдырмасына ҝөрә, Бәшшар Әсәд Мүдафиә Назирлијинин иҹласындан сонра гәрарҝаһ рәисинә евә ҝетдијини дејиб вә һәм дә онун чыхышыны јазмаг үчүн баш мәтбуат мүшавири Бесина Шабаны игамәтҝаһына чағырыб, лакин О, евә ҝетмәк әвәзинә, Дәмәшгдән тәјјарә илә Латакијадакы Русија авиабазасына ҝедиб вә ханым Шабан президент сарајына ҝәләндә Бәшшар Әсәд артыг орада олмајыб.”
Реутерс әлавә едиб ки, Бәшшр Әсәдин гардашы вә ордусунун јүксәк сәвијјәли командирләриндән бири олан Маһир Әсәд гардашынын гачмасындан хәбәрсиз олуб, лакин о, декабрын 18-и ахшам саатларында һеликоптерлә дәрһал Ирага ҝедиб вә орадан да Русијаја гачыб.
Мәлум дејил ки, Владимир Путин Маһир Әсәдә сығынаҹаг вериб, ја јох?
Бәшшар Әсәд ачыгламасында (Дәмәшгдән Латакијаја ҝедән учуш јолунда) Сурија ордусу гүввәләринин мөвгеләрини тәрк етдијини ҝөрдүјүнү јазыб.
О, әлавә едиб: “Мән, ора чатанда Һмејмим базасы “пилотсуз тәјјарәләрин шиддәтли һүҹумуна мәруз галды” вә руслар Москвадан әмр алдыгдан сонра мәни тәјјарә илә Москваја апармаға гәрар вердиләр.”
Бәшшар Әсәд Суријаны тәрк етмәсини "ҝөзләнилмәз" адландырыб.
Сурија Президенти террорчулар Идлибдән Һәләбә чатдыгдан бир ҝүн сонра Москваја ҝедиб вә Владимир Путинлә ҝөрүшүб.
Бәшшар Әсәд ачыгламасында Сурија Ордусуна террорчу үнсүрләрлә мүһарибәдә дөјүш хәттиндән ҝери чәкилмәји әмр етмәдијини, лакин онун әсҝәрләринин мөвгеләрини тәрк етдијини вә өз ҝөзләри илә “ордунун сон мөвгеләринин сүгут етдијини” мүшаһидә етдијини јазыб.
Суријанын Президенти вурғулајыб ки, "өлкәнин сүгуту вә террорчуларын әлинә кечмәси илә" президент посту һеч бир мәна дашымыр.
Бәшшар Әсәд ачыгламасында гејд едәрәк вурғулајыб: “Мән Фәләстин вә Ливанын мүгавимәтини һеч вахт тәрк етмәјән вә онун јанында олан, мүттәфигләринә хәјанәт етмәјән биријәм.”
“Мән, өз халгымы тәрк едә билмәрәм, мәнсуб олдуғум ордуја вә милләтә хәјанәт едә билмәм”, - дејә о, ҝәләҹәк планларындан бәһс етмәдән јазыб.
Сонда Бәшшар Әсәд “Сурија јенидән азад вә мүстәгил олаҹағына” үмид етдијини билдириб.
Диггәт: Лүтфән Хәбәрдән Истифадә Етдикдә Мәнбәјә Истинад Един!
