Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: АБШ, сионист режим вә Түркијәнин там дәстәк вердикләри Тәһрир әш-Шам террорчу груплашмасы вә мүттәфигләри дә дахил олмагла силаһлы мүхалифәт груплары бу ҝүн сәһәр бирҝә бәјанат јајараг Бәшшар Әсәдин башчылыг етдији бу өлкәдә һөкумәтин деврилмәсини рәсмән елан едибләр.
Бу бәјанатда вурғуланыр ки, бүтүн силаһлы груплар вә шәхсләр Суријанын бирлијини вә суверенлијини горумалы, бүтүн вәтәндашлары вә онларын әмлакыны горумалы, һөкумәти азадлыг вә әдаләт әсасында јенидән гурмалы, һәртәрәфли милли барышыға ҝетмәли, гачгын вә көчкүнләри ҝери гајтармалы, Сурија халгына гаршы ҹинајәт төрәтмиш һәр кәс барәсиндә ҹавабдеһлик дашымалы, ҹәһд етмәли вә әмәкдашлыг ҝөстәрмәлидирләр.
Бәшшар Әсәдин талеји
Медиа грумлары, Суријанын деврилмиш президенти Бәшшар Әсәдин Дәмәшгин сүгутундан әввәл бу шәһәри тәрк едәрәк намәлум бир истигамәтә ҝетдији барәдә мәлумат јајыб. Бәзи КИВ-ләр Бәшәр Әсәди апаран тәјјарәнин Һомс әјаләти үзәриндә јоха чыхдығыны, бәзи медиалар исә онун Сурија әразисиндән кәнарда бир нөгтәјә чатдығыны иддиа едирләр.
Диггәт: Лүтфән Хәбәрдән Истифадә Етдикдә Мәнбәјә Истинад Един!
