Әһли Бејт (әлејһимус сәлам) Бејнәлхалг Хәбәр Аҝентлији – АБНА: Һиҹрәтин 5-ҹи илиндә Ҹәмадиул-әввәл ајынын 5-дә Мәдинә шәһәриндә Нүбуввәт вә Имамәт (Пејғәмбәрлик вә Имамлыг) Ханданында Исламын әзәмәтли гадынларындан вә Кәрбәла гәһрәманы кими мәшһур олан Ханым Зејнәб (сәламуллаһи әлејһа) дүнјаја ҝөз ачыб.
Ханым Зејнәб (с.ә) јүксәк әхлага, сәбрә, әзәмәтә, елмә вә натиглијә саһиб бир ханым иди. Ханым Зејнәб, тәкҹә гадынлар арасында дејил, кишиләр арасында да нүмунәси аз-аз тапылан бир гадын иди.
Онун әзәмәтини дәрк етмәк вә һаггыны билмәк үчүн јетәр ки, мәсум Имамларын О, һәзрәт барәдә бујурдуглары кәламлара диггәт јетирәк.
Имам Сәҹҹад (әлејһи сәлам) бибиси Зејнәб (сәламуллаһи әлејһа) барәсиндә билдирир: "Кәрбәлада бүтүн о мүсибәтләрә бахмајараг, бибим Зејнәб һәтта өз мүстәһәб намазларыны да гылырды, минаҹатларыны едирди. Бүтүн бу мәһрумијјәтләр, сәфәр јорғунлуғу вә јетимләрә нәвазиш ону бир ан да Аллаһдан узаг салмырды".
Биз АБНА олараг бу бәрәкәтли вә нурани ҝүн мүнасибәти илә башда Имам Заман (Аллаһ Тәала онун зүһуруну тезләшдирсин) һәзрәтләринә, Һагг Наиби Имам Хаменеи һәзрәтләринә вә Али Тәглид Мәрҹәләринә, үмүмдүнја Әһли Бејт (әлејһим сәлам) Мәктәбинин давамчыларына сонда бүтүн дүнја халгларына тәбрик әрз едирик!
Диггәт: Лүтфән Хәбәрдән Истифадә Етдикдә Мәнбәјә Истинад Един!
