Сионист һәрбчиләрин бу ҝүн сәһәр саатларында гәрб саһилинин шималында јерләшән Ҹенин вә Тубас шәһәрләринин бәзи бөлҝәләринә гаршы басгыны заманы фәләстинли мүгавимәт дөјүшчүләри онларла тоггушублар.
Сионистләр өз експансианист мәгсәдләринә чатмаг үчүн ҝүндәлик сурәтдә фәләстинлиләрин мүхтәлиф бөлҝәләринә басгын едирләр. Онлар бу заман фәләстинлиләри шәһид едир, јаралајыр вә ја һәбсә алырлар. Фәләстинлиләр дә бу ҹинајәтләрә ҹаваб олараг, анти-сионист әмәлијјатлар кечирирләр.
Сионистләр Ҹенин шәһәринә басгын заманы фәләстинли азадә Шејх Фәтһи Әтуму вә фәләстинли ҝәнҹ Рәбии Әлсанурини әсир ҝөтүрүбләр.
Тубасда да фәләстинли дөјүшчүләрлә сионистләр арасында силаһлы тоггушма баш вериб.
Бу тоггушмалар заманы индијәдәк бир фәләстинли ҝәнҹ ајаг наһијәсиндән јараланыб.
Гүдс вә Әлхәлил шәһәрләриндә дә фәләстинли ҝәнҹләрлә сионист гәсбкарлар арасында тоггушмалар барәдә хәбәрләр дахил олуб.
Бу ҝүн сәһәр саатларында гәрб саһилинин мүхтәлиф бөлҝәләринә гаршы һүҹумларда једди фәләстинли һәбс едилиб.
Бир сионист мәнбә дә бидирибдир ки, тәгрибән бир ај бундан өнҹә Ҹенинә гаршы икиҝүнлүк һәрби әмәлијјатдан сонра илк дәфә олараг, сионист режим ордусу бу ҝүн сәһәр Ҹенинә басгын вә бир груп фәләстинлини һәбс едибдир.
Бунунла бағлы, Фәләстин Ислами Мүгавимәт Һәрәкаты- Һәмас-ын һәрби голу олан Иззәддин Әл-Гәссам баталјонлары да бир бәјанатда билдирибдир ки, ишғалчы сионист һәрбчиләрин бу ҝүн Ҹенин шәһәринә гаршы һүҹуму заманы әлдәгајырма бомбалар вә ҝүлләләрлә онларын һәрби техникаларыны һәдәфә алыблар вә бу заман сионистләрин бир әдәд зиреһли автомобили мәһв едилибдир.
Диҝәр тәрәфдән, фәләстинли мәнбәләр бу ҝүн сионист гәсәбә сакинләриндән бир групунун Мәсҹидүләгсаја гаршы һүҹуму барәдә ҝөрүнтүләр јајмагла билдирибләр ки, бу һүҹум сионист һәрбчиләрин ҝүҹлү һимајәси илә Бабулмуғарибә ҝирәҹәјиндән һәјата кечирилиб.
