Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Ислам Ингилабынын Али Мәгамлы Рәһбәри Ајәтуллаһ
Хаменеи бу ҝүн сәһәр Оман султаны ҹәнаб Һејсәм бин Тариг Әл Сәид вә ону мүшајиәт
едән нүмајәндә һејәти илә ҝөрүшүндә Иран вә Оман арасындакы әлагәләри чохиллик,
көклү вә јахшы адландырараг билдирибләр:
“Биз һесаб едирик ки, икитәрәфли мүнасибәтләрин бүтүн саһәләрдә ҝенишләнмәси һәр ики тәрәф үчүн фајдалыдыр.”
Имам Хаменеи һәзрәтләри, ИИР вә Оман тәрәфләри арасында апарылан данышыглара тохунараг дејиб:
“Әһәмијјәтли олан одур ки, нәзәрәчарпаҹаг нәтиҹәләр әлдә олунана гәдәр бу данышыглар ҹидди шәкилдә давам етдирилмәли вә сонда коммуникасијалар ҝенишләндирилмәлидир.”
Үмүдүнја Мүсәлманларынын Али Рәһбәри сионист режимин бөлҝәдә мөвҹудлуғунун тәһлүкәсини дә гејд едиб вә әлавә едибләр:
“Сионист режим вә онун һавадарларынын сијасәти реҝионда ихтилаф олмасы, сүлһүн исә олмамасыдыр, она ҝөрә дә бүтүн реҝион өлкәләри бу мәсәләјә диггәт јетирмәлидир.”
Ајәтуллаһ Хаменеи гејд едибләр:
“Оман вә ИИР арасында әмәкдашлығын артырылмасы ваҹибдир, чүнки ики өлкә чох мүһүм Һөрмүз боғазыны бөлүшүрләр.”
Ислам Ингилабынын Али Рәһбәри Оман Султанынын Мисирин Иран Ислам Республикасы илә әлагәләри бәрпа етмәк истәји илә бағлы бәјанатларына тохунараг, вурғулајыблар:
“Биз бу мөвгеји алгышлајырыг вә бунунла бағлы һеч бир проблемимиз јохдур.”
Ајәтуллаһ Хаменеи Оман султанынын ИИР вә Сәудијјә Әрәбистаны арасында әлагәләрин бәрпасындан мәмнун олмасы илә бағлы дејиб:
“Бу мәсәләләр ҹәнаб Рәиси һөкумәтинин гоншуларла вә реҝион өлкәләри илә әлагәләри ҝенишләндирмәк вә мөһкәмләндирмәк истигамәтиндә апардығы јахшы сијасәтин нәтиҹәсидир.”
Сонда о, һөкумәтләр арасында әлагәләрин ҝенишләнмәси илә Ислам үммәтинин јенидән өз шөһрәтини газанаҹағына вә Ислам өлкәләринин мөвҹуд имканларынын бүтүн Ислам халглары, өлкәләри вә дөвләтләри үчүн фајдалы олаҹағына үмид етдијини билдириб.
Президент Һөҹҹәтүл-Ислам Вәл-Мүслимин Рәисинин иштирак етдији бу ҝөрүшдә Оман Султаны ҹәнаб Һејсәм бин Тариг Әл Сәид Ислам Ингилабынын Рәһбәри илә ҝөрүшдән бөјүк мәмнунлуғуну ифадә едәрәк, Оманын гоншулары илә, хүсусән дә Иран Ислам Республикасы илә мүнасибәтләри ҝүҹләндирмәк вә ҝенишләндирмәк сијасәтиндә олдуғуну билдирәрәк дејиб:
“Теһранда кечирилән данышыглар заманы мүхтәлиф әмәкдашлыг саһәләри мүзакирә едилиб, фикир мүбадиләси апарылыб вә үмид едирик ки, бу данышыгларын давамы илә ики өлкә арасында әлагәләр даһа да ҝенишләнәҹәк вә онун әмәли нәтиҹәләри һәр ики тәрәф үчүн өзүнү бүрузә верәҹәкдир."
Диггәт: Хәбәрдән Истифадә Етдикдә Мәнбәјә Истинад Лазымдыр!
