Фирдовсинин дүнја шөһрәти онун ҝәнҹлик илләриндә јазмаға башладығы вә һәјатынын 30 илини онун бәстәләнмәсинә сәрф етдији "Шаһнамә" әсәринә ҝөрәдир.
50 мин бејтдән ибарәт олан "Шаһнамә" дүнјанын ән узун епик поемасыдыр. Фарс шаһлары һаггында тамамилә фарс дилиндә јазылмыш китаб бу дилин дирчәлишиндә әсас рол ојнамыш вә фарс әдәбијјатынын инкишафына мүһүм төһфә вермишдир.
"Шаһнамә" Иран шаһларынын вә бөјүк гәһрәманларынын гәһрәманлыгларыны вә фәтһләрини, иҝидлијини, ҹәсарәтини вә диндарлығыны тәсвир едән милли һекајәләр вә гәдим тарихләр топлусудур.
Шүбһәсиз ки, фарс дилинин дәјәрли горујуҹуларындан бири дә Әбүлгәсим Фирдовсидир ки, онун парлаг әсәри олан "Шаһнамә"си фарс дилинин вә Иран кимлијинин горунуб сахланмасында данылмаз әһәмијјәтә маликдир.
Һәр ил дүнјанын вә Иранын мүхтәлиф дәрнәкләриндә, әдәби даирәләриндә Фирдовси ашигләри тәрәфиндән бу фарсдилли шаирин хатирәсини јад етмәк үчүн чохлу мәрасимләр кечирилир.
Фирдовсинин мәзары Тоусда јерләшир. Мәшһәдин мүхтәлиф ҝөрмәли јерләри арасында түрбәни зијарәт етмәк һәр бир иранлы вә хариҹи туристин марағына сәбәб олур.
342/
