Әһли-Бејт (әлејһимус сәлам) – Хәбәр Аҝентлији АБНА-нын вердији
мәлумата әсасән, Руси, Авропа вә АБШ-дан мүһаҹирәт едәрәк Фәләстин торпагларыны
ишғал едән сионист Исраил режими ҹүһүдләри дахили иғтишашлара ҝетмәкдән чәкиндирмәк
вә јајындырмаг мәгсәди илә әнәнәви олараг Иран Факторундан истифадә едиб.
Белә ки, ушаг гатили олан Исраил режиминин гондарма баш назири Бенјамин Нетанјаһу “маин.кнессет.ҝов.ил” сајтынын мәлуматына ҝөрә Кнессетин-парламентин јај сессијасынынын ачылышында етдији чыхышы заман билдириб:
“Биринҹи вә ән актуал вәзифә Иранын нүвә силаһына саһиб олмасынын гаршысыны алмаг үчүн Исраил вә АБШ-ын бирҝә сәјләридир.
Бу јахынларда Исраил Силаһлы Гүввәләри-ИСГ вә АБШ ордусу Исраил тарихиндә ән бөјүк бирҝә һәрби тәлим кечирди вә мән буна ҝөрә Бајден администрасијасына тәшәккүр етмәк истәјирәм...
Биз Ирандакы фанатик режимин тәкҹә Исраили дејил, һәм дә АБШ-ы вә бүтүн азад дүнјаны тәһдид етдији тәһлүкәни дүзҝүн мүшаһидә едирик.
Кнессетин Јај Ассамблејасы заманы реҝионумузда Иранын пејкләринә гаршы гәтијјәтли мүбаризәмизлә јанашы, Иранын нүвә силаһынын гаршысынын алынмасы зәрурәти Исраилин әсас приоритети олараг галаҹаг.
Биз Ирана имкан вермәјәҹәјик ки, бизи Суријада, Ливанда, Гәззада, Јәһудеја вә Самаријада-(админ: Иордан Чајынын Гәрб Саһилләринә јәһуди ишғалчылары 1967-ҹилдә бу ики гондарма терминләри Гүдсүн Шимал вә Ҹәнуб бөлҝәләри үчүн иҹад едибләр.) террор боғуҹусу илә әһатә етсин.
Биз Иранын сәрһәдләримиздә һәрби ҹәһәтдән мөһкәмләнмәсинә имкан вермәјәҹәјик вә онун нүвә силаһына саһиб олмасынын гаршысыны алмаг үчүн һәр шеји едәҹәјик”.
Диггәт: Хәбәрдән Истифадә Етдикдә Мәнбәјә Истинад Лазымдыр!
