Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Гәрб Украјна
гошунларына верилән силаһларын гара базара дүшдүјүнү билир, лакин онларын медиасы
буну сусур.
Буну "Пулитзер" мүкафатлы америкалы журналист Сејмур Һерш билдириб.
"Өтән илин феврал ајында мүнагишә башлајандан бир нечә ај сонра тәјјарәләри хејли һүндүрлүкдә вура билән портатив елит (ракет — Ред.) комплексләрлә бағлы да бөјүк нараһатлыглар јаранмышды. Һәм дә елә-белә дејил, чох ҹидди нараһатлыға сәбәб олмушду. Тәхминән алты ај әввәл (бәлкә дә даһа әввәл) "ҸБС" бир материал јајымлады, лакин сонра ону ҝери ҝөтүрмәли олду", - дејә Һерш "РТ"јә вердији мүсаһибәдә билдириб.
Журналистин фикринҹә, һәтта мүнагишәнин илкин мәрһәләсиндә Полша, Румынија вә диҝәр һәмсәрһәд өлкәләр "дөјүш әмәлијјатлары үчүн Украјнаја верилән силаһларла долуб".
"Башга сөзлә десәк, мүхтәлиф командирләр (һансы сәвијјәдә олдуғуну билмирәм) - чох вахт ҝенераллар дејил, полковникләр вә башгалары – ҝөндәрилмиш силаһ дәстләрини алыр вә шәхсән онлары јенидән сатыр вә ја гара базара өтүрүрдүләр" - деди Һерш әлавә едиб.
Бундан әввәл Русија Хариҹи Ишләр Назирлији хәбәрдарлыг етмишди ки, Гәрб тәрәфиндән Кијевә верилән портатив зенит-ракет системләри вә танк әлејһинә идарә олунан ракетләр террорчуларын әлинә кечә вә мүлки һава нәглијјатынын тәһлүкәсизлијинә тәһлүкә јарада биләр. Назирлик ону да гејд едиб ки, Украјнаја верилән силаһлар гара базардадыр вә дүнјанын истәнилән јериндә истифадә олуна биләр.
Русија Хариҹи Ишләр Назирлијинин мәлуматына ҝөрә, Авропа Иттифагы тәрәфиндән Украјнаја верилән силаһларын үмуми дәјәри артыг 12 милјард аврону кечир.
Хатырладаг ки, Русија Украјнаја силаһ тәдарүк етдији үчүн бундан әввәл НАТО өлкәләринә нота ҝөндәриб. Русијанын хариҹи ишләр назири Серҝеј Лавров гејд едиб ки, Украјна үчүн ичиндә силаһ олан истәнилән јүк Русија үчүн гануни һәдәфә чевриләҹәк. Русија Федерасијасы Хариҹи Ишләр Назирлији бәјан едиб ки, НАТО өлкәләри Украјнаја силаһ вермәклә "одла ојнајыр". Русија Федерасијасы Президентинин мәтбуат катиби Дмитри Песков гејд едиб ки, Украјнаја Гәрбдән силаһларын тәдарүк едилмәси Русија-Украјна данышыгларынын уғуруна көмәк етмир вә мәнфи тәсир ҝөстәрәҹәк. Лавров бәјан едиб ки, АБШ вә НАТО Украјнадакы мүнагишәдә тәкҹә силаһ тәдарүкү илә дејил, һәм дә шәхси һејәтин Бөјүк Британија, Алманија, Италија вә диҝәр өлкәләрин әразисиндә тәлим кечмәсинә јаратдығы шәраитлә бирбаша иштирак едир.
Диггәт: Хәбәрдән Истифадә Етдикдә Мәнбәјә Истинад Лазымдыр!
