Апрелин 11-дә Ермәнистан вә Азәрбајҹан һәрбичиләри арасында баш верән атышмадан сонра Русија тәрәфи дәрһал ҝәрҝинлијин арадан галдырылмасы үзрә тәдбирләр ҝөрүб.
Бу барәдә апрелин 12-дә кечирилән брифингдә Русија ХИН-ин рәсми нүмајәндәси Марија Захарова билдириб.
Онун сөзләринә ҝөрә, Русија "хариҹи ојунчуларын мүдахиләсинин нәзәрдә тутулан сүлһ низамланмасына наил олмагдан узаглашдыраҹағы вә әлавә ҝәрҝинлик јарадаҹағы һаггында тәхминини ачыгламышды.
Русијанын ролуна ҝәлинҹә, “бизим сәјләримиз Азәрбајҹан вә Ермәнистана бу өлкәләр арасында сүлһ мүгавиләсинин һазырланмасы үзрә һәртәрәфли јардымы зәифләтмир. Тәрәфдашларымыз икитәрәфли данышыгларын нөвбәти мәрһәләсинин бизим әразимиздә кечирилмәси һаггында тәклифи гәбул едибләр. Конкрет тәдбирләрин тарихләри дәгиг разылашдырылдыгдан сонра бу барәдә мәлумат верәҹәјик”, - дејә Захарова вурғулајыб.
Дипломат ону да әлавә едиб ки, Азәрбајҹан вә Ермәнистан данышыгларын нөвбәти раундунун Русијада кечирилмәси илә бағлы разылыг вериб.
Анҹаг М.Захарова данышыгларын нөвбәти раундунун тарихини ачыгламајыб.
Гејд едәк ки, апрелин 11-дә Ермәнистанла Азәрбајҹан силаһлы гүввәләри арасында атәшкәсин позулмасы нәтиҹәсиндә тәрәфләр иткијә мәруз галыб.
Азәрбајҹан ордусунун 3, Ермәнситан силаһлы гүввәләринин исә 4 һәрбчиси һәлак олуб.
342/
