Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, бу ҝүн ахшам
саатларында Өзбәкистанын әксәр бөлҝәләриндә ҝүҹлү јералты тәканлар һисс олунуб.
АПА јерли КИВ-ә истинадла хәбәр верир ки, титрәјишләр үфүги характер дашыјыб вә кифајәт гәдәр узун чәкиб. Зәлзәләнин еписентриндә магнитудасы 6,6 бал ҝүҹүндә олуб.
Өзбәкистан Фөвгәладә Һаллар Назирлијинин Республика Сејсмик Предикатив Мониторинг Мәркәзинин мәлуматына ҝөрә, зәлзәләнин еписентри Әфганыстанда олуб. Онун магнитудасы 6,6, дәринлији 220 км олуб.
Зәлзәләнин еписентриндән Өзбәкистанын пајтахтына гәдәр олан мәсафә ҹәнуб-шәрг истигамәтиндә 561 км олуб.
Өзбәкистанда узун илләрдир ки, белә ҝүҹлү зәлзәләләр һисс олунмур. Сон илләрдә онларын интенсивлији 4 бала гәдәр олуб.
Јералты тәканларын ҝүҹү Сурхандәрја вилајәтиндә 6 бал, пајтахт Дашкәнддә вә Бухара вилајәтиндә 5 баладәк олуб. Дашкәнд вә диҝәр бөјүк шәһәрләрин сакинләри күчәләрә ахын едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
