Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, биз өтән илин
јазындан Түркијә Президент Администрасијасы илә јахын тәмасдајыг. Сон ҝүнләр үнсијјәт
даһа да јахынлашыб.
Бу барәдә Финландија Президент Офисинин дөвләт башчысы Саули Ниинистөнүн адындан јајдығы бәјанатда билдирилиб.
“Мәлум олуб ки, Түркијә Президенти Әрдоған гисмән Финландијанын НАТО-ја үзвлүјүнүн ратификасијасы илә бағлы гәрарыны верәрәк ҝөрүшмәк вә вердији вәди јеринә јетирмәк истәјир. Түркләр үмид едирдиләр ки, онлар бурада гәрары ачыглајанда ҹавабы гәбул етмәк үчүн орада олаҹағам. Мән тәбии ки, дәвәтә мүсбәт ҹаваб вердим. Ил әрзиндә Түркијәнин фикирләри илә бағлы чох данышылыб. Биз һәмишә Түркијә Президент Администрасијасы илә хүсуси ишләмишик, чүнки бу гәрарларын гәбулу мәрһәләсиндә һәлледиҹи олан Түркијә Президентинин фикирләридир. Исвечлә әлагәмиз һәмишә јахын олуб, сон ҝүнләр даһа да сых олуб. Мән бу барәдә Исвечин Баш назири Кристерссонла данышмышам. Дүнәнки мәтбуат конфрансы да һәмин әлагәјә гисмән ејһам вурду. Финландија үчүн һәм Финландија, һәм дә Исвечин мүмкүн гәдәр тез НАТО-ја үзв олмасы чох ваҹибдир. Исвечин НАТО-ја үзвлүјүнү дәстәкләмәк үчүн ишими давам етдирәҹәјәм”, - гејд олунуб.
Гејд едәк ки, Түркијә Президенти Рәҹәб Тајјиб Әрдоған бу ҝүн Финландијанын НАТО-ја үзвлүјү просесиндән данышыб. Әрдоған Финландијанын НАТО үзвлүјү илә бағлы билдириб ки, үзәрләринә дүшән вәзифәни јеринә јетирәҹәкләр, вердикләри сөзү тутаҹаглар.
Хатырладаг ки, Финландија Президенти вә ХИН рәһбәри 16-17 март тарихләриндә Түркијәдә сәфәрдә олаҹаглар.
Диггәт: Хәбәрдән Истифадә Етдикдә Мәнбәјә Истинад Лазымдыр!
