Сәмәд Сејидов гејд едиб ки, ортаг ҝәләҹәк һаггында данышмаг үчүн Бакыда бир араја ҝәлмәјин вахтыдыр.
АШПА-да Азәрбајҹан нүмајәндә һејәтинин рәһбәри Сәмәд Сејидов Гарабағ ермәниләринә мүраҹиәт едиб.
Бу барәдә о "Тwиттер " һесабында јазыб:
"Иллүзијаларынызы бир кәнара гојуб ортаг ҝәләҹәјимиз һаггында данышмаг үчүн Бакыда бир араја ҝәлмәјин вахтыдыр. Бу шансы гачырмајын".
Азәрбајҹан Республикасы Президент Администрасијасы да өнҹә Гарабағ ермәниләрини нөвбәти ҝөрүш үчүн Бакыја дәвәт етмишди.
Хатырладаг ки, Милли Мәҹлисин депутаты Рамин Мәммәдов Азәрбајҹан Республикасынын Гарабағ бөлҝәсиндә јашајан ермәни сакинләр илә тәмаслар үзрә мәсул шәхс гисминдә мүәјјән едилиб.
Мартын 1-дә Рамин Мәммәдов Хоҹалы шәһәриндә, Русија Федерасијасы сүлһмәрамлы континҝентинин гәрарҝаһында Азәрбајҹан Республикасынын Гарабағ бөлҝәсиндә јашајан ермәни сакинләрин тәмсилчиләри илә ҝөрүшмүшдү. Ҝөрүшдә рәсми Бакы тәрәфиндән Еколоҝија вә Тәбии Сәрвәтләр Назирлији, Игтисадијјат Назирлији јанында Әмлак Мәсәләләри Дөвләт Хидмәти вә "АзерҜолд" Гапалы Сәһмдар Ҹәмијјәтинин мүтәхәссисләриндән ибарәт тәбии сәрвәтләрин ганунсуз истисмарыны арашдыран мониторинг групунун рәһбәри Мәсим Мәммәдовун да иштирак етдији билдирилмишди.
Ҝөрүшүн гаршы тәрәфи барәдә һеч бир мәлумат верилмәсә дә бу ҝүн Ханкәндидәки сепаратчы режимин башчысынын Бакы ҝөрүшү тәклифинә јох демәси илә бәлли олуб ки, Хоҹалыдакы ҝөрүш дә ермәни сепаратчылары илә кечирилибмиш.
Ханкәндидәки сепаратчы режим Президент Администасијасынын Бакыда ҝөрүш тәклифинә “јох” дејиб: Гарабағ сепаратчы режими ҝөрүшүн јалныз Русија сүлһмәрамлыларынын васитәчилији илә кечирилмәсини вә һуманитар, техники мәсәләләрин мүзакирә едилмәсини истәјир вә беләликлә, реинтеграсија просесиндән имтина едирләр.
342/
