Ҝүрҹүстанын Баш назири Иракли Гарибашвили Украјна Президенти Владимир Зеленскини өтән һәфтә өлкәдә етираз далғасы баш вердикдән сонра Ҝүрҹүстандакы сијаси вәзијјәтә мүдахилә етмәкдә иттиһамландырыб вә мүдахиләчи бәјанатларына сон гојмаға чағырыб.
Ҝүрҹүстан парламенти тәрәфиндән гәбул едилән "хариҹи аҝентләр" һаггында гануна етиразлар заманы Зеленски етиразчылара Украјна бајрағыны далғаландырдыгларына ҝөрә тәшәккүр едәрәк бунун һөрмәт тәзаһүрү олдуғуну билдириб вә өлкәјә "Демократик уғур"арзуламышды.
Ҝүрҹүстан парламенти “хариҹи аҝентләр” һаггында ганун лајиһәсини мартын 7-дә биринҹи охунушда 76 леһинә, 13 әлејһинә сәслә гәбул етди.
Февралын 14-дә “Халгын ҝүҹү” һәрәкаты тәрәфиндән Ҝүрҹүстан парламентинә тәгдим едилмиш “Хариҹи тәсирләрин шәффафлығы һаггында” гануна әсасән иллик ҝәлиринин 20 фаиздән чохуну хариҹи дөвләтләрдән, бејнәлхалг тәшкилатлардан, Ҝүрҹүстан вәтәндашы олмајан гурум вә шәхсләрдән әлдә едән вә дөвләт тәрәфиндән тәсис едилмәјән медиа органлары вә ГҺТ-ләр Ҝүрҹүстандакы “хариҹи тәсир аҝенти” кими рејестрдән кечмәли олаҹагдылар. Рејестрдән кечмәјәнләр 25 000 лари (9 500 доллар) ҹәримә едиләҹәкдиләр.
Анҹаг Гәрб өлкәләринин тәһрикедиҹи мүдахиләләри үзүндән мүхалифәтин Тифлисдә кечирдији давамлы митинг, нәһајәт “хариҹи аҝентләр һаггында” ганун лајиһәсинин мартын 10-да Ҝүрҹүстан парламентиндә кечирилән сәсвермәдә ҝери ҝөтүрүлмәси илә нәтиҹәләнди.
Мүхалифләр ганунун өлкәни Авропа Иттифагындан узаглашдырдығыны билдирир.АИ-нин Ҝүрҹүстандакы нүмајәндәлији ганун лајиһәсинин ҝери ҝөтүрүлмәси гәрарыны алгышлајыб.Гејд едәк ки, хариҹи өлкәләрин Ҝүрҹүстан сијаси сәһнәсинә мүдахиләләринин гаршысыны алаҹаг бу ганун АБШ вә Авропа тәрәфиндән кәскин тәнгид едилсә дә ејни ганун АБШ-ын өзүндә 85 ил әввәл гәбул едилиб.Бир чох сијаси аналитикләрә ҝөрә, суверен олмаг истәјән дөвләтләр, илк нөвбәдә, дахили сијаси фәалијјәтин хариҹдән малијјәләшдирилмәсинин гадаған едилмәси, ја да дахил олан вәсаитләрә вә белә ГҺТ-ләрин фәалијјәтинә нәзарәтин тәтбигинә даир гәрарлар гәбул етмәлидирләр.Бунун исә һеҝемончу дөвләтләрин хошуна ҝәлмәмәси баша дүшүләндир.
342/
