Түркијәдә сечки өнҹәси тәлатүмләр Ији Партијанын Алтылы Масаны тәрк етмәси илә бир аз да гызышыб.
ИЈИ Партијасынын сәдри Мерал Акшенер “Алтылы маса”дан ајрылыб. Акшенер дүнән Анкарада мүхалифәт лидерләринин иштиракы илә кечирилән ҝөрүшдән сонра дејиб ки, онун тәклифләри маса тәрәфиндән рәдд едилиб, ҸҺП лидери Камал Кылычдароғлунун намизәдлији дәстәкләниб.
Ији Партија башганы, Мансур Јаваш вә Әкрәм Имамоғлуну намизәд олмаға чағырмышды. Акшенерин сөзләринә ҝөрә, дүнән кечирилән иҹласда 5 сијаси партија Кылычдароғлунун намизәдлији үзәриндә дајаныб, амма о, бу тәклифи гәбул етмәјиб: “Алтылы маса” милләтин ирадәсини әкс етдирмир. Бу маса артыг потенсиал намизәдләрин мүзакирә олуна биләҹәји үмуми мүдриклик платформасы дејил. Јаваша вә Имамоғлуна чағырышымдыр. Ҹамаат сизи вәзифәјә чағырыр. Критик гырылма астанасында, милләт сизи вәзифәјә чағырыр. Бу вәзифә милләтин сәсини ешитмәк вәзифәсидир”, – дејә о, фикрини белә тамамлајыб.
342/
